BINTULU: Siti entiti mutarka ai beresi deka ditumbuhka di Sarawak dalam kandang dua taun agi kena ngenegapka pengawa mutarka ai beresi enggau manah agi bagi di negeri ini, pia ku Menteri Utiliti enggau Telekomunikasyen Datuk Julaihi Narawi.
Naka ke diatu, Sarawak bisi empat ejensi ti bekaul enggau pengawa mekalka aii beresi iya nya Opis Ai Kuching, Opis Ai Sibu, Opis Mekalka Ai Menua Pesisir (JBALB) enggau Laku Management Sdn Bhd.
"Nengah pengawa numbuhka siti entiti tu ila nya deka nyadi sebuah ejensi mekal ai ti lebih sistematik, mungkur semua sereta bekualiti tinggi ngagai semua peranak di negeri tu, lalu ambika rayat ulih ngasaika ai beresi sereta manah kualiti jemah ila," ku iya.
Iya bejaku mun yi nya lebuh ke nutup Sukan Bekalan Air Sarawak ti diatur Laku Management Sdn Bhd ditu, malam ensana.
Diatu, perambu perintah iya nya ngempung keempat-empat ejensi nya, tang agi ba renggat perambu lalu deka dipejalaika enti langkar pelin besai ngempung nya dikemendarka.
Ku Julaihi, iya pechaya udah datai ba maya iya sistem mutarka bekal ai beresi di negeri ini dipejalaika sebuah ejensi besar kena nentuka nya ulih meri servis ti manah agi enti dibanding enggau diatu.
"Sarawak sebuah negeri besai lalu perengkaguna utiliti ti manah patut ditumbuhka kena nentuka semua rayat negeri tu ulih ngasaika ai beresi ti pemadu manah, ukai semina ba renggat negeri aja tang di menua tu," ku iya.
Ngenang pasal bungkur telekomunikasyen,iya madahka Perintah Sarawak mega benung chakah nambah manah bungkur telekomunikasyen enggau bekal elekterik di negeri tu.
Ku iya, tu setipak enggau pengawa perintah ngerembaika sektor ekonomi digital ti manah agi nyengkaum bungkur iInternet di menua pesisir.
Sama bisi ngulu pengerami nya, Sapit Menteri Utiliti enggau Telekomunikasyen Datuk Dr Abdul Rahman Junaidi, Residen Bagi Menua Bintulu, Datu Jack Aman Luat enggau Pemangku Sekretari Mendam Opis Menteri Utiliti enggau Telekomunikasyen, Syed Mohamad Fauzi Shahab.