KUCHING: Program 'Sarawak Kitchen' enggau Bansal IKS nyerumba Sarawak Regatta siti pelasar endur orang dagang mit enggau jelan pemesai ngelaku enggau nyual produk orang dagang Sarawak.
Sapit Premier Sarawak, Datuk Amar Awang Tengah Ali Hasan madah laban maya Sarawak Regatta mengeri besai tu ukai semina nerima penatai peranak negeri tu aja tang nyengkaum temuai ari luar negeri enggau menua.
Iya ke nyadi Menteri Dagang Antarabansa, Industri enggau Pemeranak Puku Sarawak (MINTRED) madahka tiap kali Sarawak Regatta opis menteri iya (MINDRED) deka nempa kerejasama enggau komiti pengatur Program Sarawak Regatta - Kuching Waterfront Festival 2022, ke lebih agi nyendiaka Sarawak Kitchen.
"Sehari tu (kemari) Sarawak Kitchen berengkah diatur ti bisi 52 gerai ( ti nyengkaum 32 gerai nyual mayuh macham pemakai enggau ai irup ba Sarawak Kitchen enggau 20 gerai ti nyual mayuh macham produk IKS (Industri Mit enggau Jelam Pemesai)).
"Tu maya pengemeran pengawa dagang kitai ngambi bagi ba dagang tu. Mayuh bansa pemakai, ti nyengkaum pemakai asal enggau moden (bisi dibantai sereta dijual).
"Tu siti endur kitai ngelakuka mayuh macham bansa pemakai ke bisi di Sarawak ditu. Laban Regatta tu mayuh nerima temuai ari luar negeri enggau menua," ku iya lebuh dikerandau raban pengarang berita.
Dulu ari nya Menteri Pengeraja Asal enggau Pemansang Mengeri II tu Soft Launching Sarawak Kitchen enggau Bansal IKS ti diatur nyerumba Sarawak Regatta - Kuching Waterfront Festival 2022 ditu, kemari.
Sarawak Kitchen enggau Gerai IKS siatur berengkah kemari (28 Oktober 2022) nyentuk 6 November 2022 ba Tebing Sungai Kuching.
Kelimpah ari MINTRED, ejensi bukai ti sama ngambi bagi ngatur program tu Opis Residen Bagi Menua Kuching, Opis Betanam Betupi Sarawak, FAMA, Opis Orang Indu enggau Ruang Bilik Sarawak, SEDC enggau LKIM.
Sama datai nyempulang Awang Tengah kemari, Penyanding Penemu MINTRED Datuk Mohd Naroden Majais sereta sida ke bukai.