KUALA LUMPUR: Pengawa numbuhka 'Kesatuan Mahasiswa Anak Sarawak' deka meri pemaik sereta mantu mutarka penanggul ti ditapi nembiak lebuh ke nampung pelajar di Semenanjung.
Premier Sarawak Datuk Patinggi Tan Sri Abang Johari Tun Openg (gambar) madah, nya kebuah perintah setuju enggau pengawa numbuhka unit nya ambika nyadi medium kena mantu sereta mutarka penanggul nembiak.
"Nengah unit nya, perintah ulih ngiga chara kena mutarka penanggul ti ditapi anak Sarawak ti belajar ba institusyen pelajar tinggi di Semenanjung.
"Kami nemu tebal agi nembiak Sarawak ti diau ba luar kampus di Semenanjung, betapi enggau penanggul serwta kena tating mayar suwa ti mar.
"Kelimpah ari nya, pemereti ati sereta kaul entara perintah negeri enggau nembiak nya mega ulih ditegapka nengah un it nya," ku iya madah lebuh sesi Agenda Sarawak: Dialog Mensia Mayuh Begu lai Enggau Premier Sarawak maya Program Lan Berambeh Anak Sarawak 2022 (LBAS 2022) ba Palan Dagang Enggau Pemandan Antarabansa Malaysia (MITEC) ditu, kemari.
Ditanya bekaul engagu pengelantang pendiau nembiak , Abang Johari madahka perintah bisi juluk ari ti besai ba pengelantang pendiau nembiak.
"N engah pengawa numbuhka Duit Turu Berdaulat Sarawak, juluk ati kami iya nya ngempu aset universiti ti dipejalaika kediri di Sarawak.
"Antara nya Swinburne University of Technology Sarawak, Curtin University, Universiti Teknologi Sarawak, Kolej Universiti I-Cats enggau Palan Latih CENTEXS.
"Ungkup nembiak enggau sida ti belajar di universiti nya, enda bepanggai ba atur ngambil nembiak ari Unit Palan Universiti (UPU).
"Sida ti deka belajar tang enda diterima universiti ketegal pemutus UPU, kami deka ngan jung sida ngagai universiti kami empu lalu ngambi kus ti dikerinduka sida," ku iya.
Ku Abang Johari baru,sia mega deka berunding ambika nadai yuran dalam pelajar tinggi ba universiti ti diempu Sarawak enti duit turu Sarawak majak nambah.
"Aku arap amat ati kami ulih ngereja nya enti Sarawak bisi duit turu ke mayuh," ku iya.