Anda di sini

Angkatka tikas ekonomi setipak enggau latih ti dipelajarka nembiak IPT

Advertisement
 Dialog Mensia Mayuh Begulai Enggau Premier Sarawak LBAS 2022,ensanus.
Abang Johari lebuh datai ngulu MITEC ungkup sesi dialog, iya nya Agenda Sarawak: Dialog Mensia Mayuh Begulai Enggau Premier Sarawak LBAS 2022,ensanus.

Diatu gaya ekonomi di Sarawak enda kelalu tinggi lalu semina bepelasarka pengeraja asal aja

"Taja pia, kitai mesti nambah rega ba pengeraja asal ti begunaka pengelandik lalu nya kebuah ba gaya ke diatu (ekonomi enda setipak enggau latih),kitai ulih meda mayuh  anak Sarawak bekereja ba luar Sarawak”

Datuk Patinggi Tan Sri Abang Johari Tun Openg  
Premier Sarawak

KUALA LUMPUR: Sarawak mesti ngangkatka tikas ekonomi ambika setipak enggau latih ti dipelajarka nembiak ba  Institusyen Pelajar Tinggi (IPT) ke diatu,pia ku   Datuk Patinggi Tan Sri Abang Johari Tun Openg.

Ku iya, diatu gaya ekonomi di Sarawak enda kelalu tinggi lalu semina bepelasarka pengeraja asal aja.

"Taja pia, kitai mesti nambah rega ba pengeraja asal ti begunaka pengelandik lalu nya kebuah ba gaya ke diatu (ekonomi enda setipak enggau latih),kitai ulih meda mayuh  anak Sarawak bekereja ba luar Sarawak.

"Tu ketegal kereja ti enda setipak enggau latih ti dipelajarka sida ba IPT," ku iya madah maya sesi Agenda Sarawak: Dialog Mensia Mayuh Begulai Enggau Premier Sarawak maya Program Lan Berambeh Anak Sarawak 2022 (LBAS 2022) ba Palan Dagang enggau Pemandang Antarabansa Malaysia (MITEC), ensana.

Ketegal nya ku iya, patut amat tikas ekonomi diangkatka ngena chara baru nyengkaum ekonomi digital.

"Tu deka muka pengawa puang ti lalu meri penguntung ngagai Negeri Sarawak.

"Nengah pengeraja asal ti dikemisika, pemeranak puku deka datai sereta muka pengawa puang ti setipak enggau latih ti dipelajarka bala nembiak," ku iya.

Berebak enggau nya, Abang Johari mega ngarapka pengawa entara nembiak enggau perintah seruran dipajakka  kena nentuka Sarawak bisi pengidup ke meruan jemah ila.
 
"Perintah bisi visyen enggau chara baru kena nempa Sarawak nyadi negeri ti pemadu maju di Malaysia lalu rayat deka bisi  penatai pemisi ke besai," ku iya.
 

Advertisement