Anda di sini

Gerija baru Katolik St Thomas dipenyadika

Advertisement
 Gaya gerija nya dipeda ari mua. - Gambar UKAS
BARU: Gaya gerija nya dipeda ari mua. - Gambar UKAS

KUCHING: Gerija Katolik St Thomas ke beungkus RM1.6 milion ba Kampung Kandis Baru dalam sitak Serembu, udah dipenyadi kena Hari Minggu nyin tadi (25 Sept).

Archbishop Kuching Roman Katolik, Dr Simon Poh bisi datai merekat gerija. Pengerami nya mega bisi dulu Menteri Industri Pemakai, Komoditi enggau Pemansang Kandang Menua,Dato Sri Dr Stephen Rundi Utom.

Sama bisi datai, Menteri Perengka Pengangkut (Tasi k engau Sungai) Dato Henry Harry Jinep, ADUN Serembu Miro Simuh, ADUN Tebedua Dr Simon Sinang Bada, Direktor Unit Jalai Pengarap Bukai (Unifor) Richard Lon enggau Rektor St. Stephen Parish Rev. Fr. Peter Liston.

Nitihka berita ari Unit Komunikasyen Perintah Sarawak  (UKAS), pengawa ngaga gerija baru nya berengkah dalam taun 2017. Nya dikena nganti gerija lama ti udah dirubuhka. 

(Ari kiba Dr Sinang, Miro, Dr Rundi, Poh, Peter, Henry enggau Richard begambar pengudah pengawa merekat gerija nya. - Gambar UKAS
(Ari kiba Dr Sinang, Miro, Dr Rundi, Poh, Peter, Henry enggau Richard begambar pengudah pengawa merekat gerija nya. - Gambar UKAS

Miro lebuh ke bejaku meri terima kasih ngagai perintah Sarawak laban udah mantu meri belanja dikena n gaga gerija nya.

Iya mega madahka bisi beberapa buah gerija dalam sitak nya dalam proses digaga lalu deka tembu enda lama agi. 

“ Aku gaga ati laban pengawa ngaga rumah sembiang baka gerija tu bisi nerima bantu setipak enggau rambai  jaku ‘penyerakup dalam mayuh macham’,” ku iya.

Dr Rundi lebuh ke bejaku muji peranak di Serembu ti ngangkatmanah gerija sida seraya ngelalau sida madahka ulah rayak Sarawak ti terbuka sereta bebatak asurnyadi kunchi kena ngenegapka penyerakup di negeri tu.

Advertisement