Anda di sini

Uggah: Lebih 2.4 juta peranak di Sarawak udah betuchuk dua dos vaksin COVID-19 naka 20 Sept

Advertisement
Uggah lebuh ke bejaku maya pengerami Malam Apresiasyen Begulai Enggau Terabai Menua COVID-19 Zon Selatan di BCCK, malam Hari Minggu nyin tadi - Gambar Roystein Emmor
Uggah lebuh ke bejaku maya pengerami Malam Apresiasyen Begulai Enggau Terabai Menua COVID-19 Zon Selatan di BCCK, malam Hari Minggu nyin tadi - Gambar Roystein Emmor

KUCHING: Bisi 2,428,289 iku tauka 86 peratus ari penyampau peranak di Sarawak udah betuchuk dua dos  vaksin COVID-19 naka 20 September taun tu.

Sapit Premier Sarawak Datuk Amar Douglas Uggah Embas madah, Sarawak mega idah nuchuk 'booster' dos keterubah vaksin COVID-19 ngagai 1,652,142 iku tauka 90 peratus arip peranak ke patut dituchuk di negeri tu.

“ 41,551 iku tauka 8.3 peratus ari penyampau ti patut betuchuk booster dos kedua vaksin COVID-19,” ku iya madah maya pengerarami Malam Apresiasyen Begulai enggau Raban Terabai Menua COVID-19 Zon Selatan ba Palan Konvensyen Borneo Kuching (BCCK) ditu, malam Hari Minggu nyin tadi.

Uggah ke mega Chairman Komiti Mutar Penusah Ngenyit Negeri Sarawak (JPBNS) madah, Sarawak sebuah ari negeri ti ngembuan penyampau penerima ke pemadu mayuh vaksinasyen COVID-19 ungkup nembiak mit  ke beumur lima nyentuk 11 taun.

"Ba sida ke bedau betuchuk booster dos kedua, aku ngelalau siad betuchuk vaksin tu. Tu beguna amat kena nerabai kita ari COVID-19," ku iya.

Berebak enggau nya, Uggah madahk Sarawak udah mujur mutarka pandemik COVID-19 laban bisi ketuai ti kering sereta siru, JPBNS tegap lalu terabai menua nyengkaum rayat Sarawak empu.

“Sarawak bisi ketuai ti amat pintar, berani, bededikasi sereta terit, iya nya Premier kitai (Datuk Patinggi Tan Sri Abang Johari Tun Openg). 

“Kpemintar iya ulih dipeda lebuh numbuhka tiga komiti besai iya nya, JPBNSKomi ti Nyadung Pemakani enggau Komiti Pengelikun Garis Entara Menua kena mutarka  empas COVID-19 di Sarawak,” ku iya.

Ku iya baru, Premier Sarawak mega nyaga rayat iya nengah bantu sukung belanja ungkup operasyen COVID-19, ke alai RM300 juta udah dikemendarka ungkup operasyen kena mutarka COVID-19.

“Lalu nyauka RM7 bilion dibelanjaka ungkup bemacham pakej bantu nengah Bantu Khas Sarawakku Sayang (BKSS).

“Kelimpah ari nya, Abang Johari mega nyendiaka belanja dikena meli vaksin COVID-19 laban ba iya, vaksinasyen mih chara kena nyaga nyawa rayat Sarawak,” ku iya.

Kena mantu Sarawak ngelaban pandemik ku Uggah, JPBNS udah bejalaika pengawa mutarka krisis nya nengah sukung ari mayuh bengkah ejensi. 

“Nya nyengkaum Opis Pengerai Negeri Sarawak; Komiti Raban Penyanding Penemu Vaksin COVID-19 Sarawak ti betuaika Datu Dr Andrew Kiyu; Institut Pengerai enggau Perubat Komuniti di UNIMAS betuaika Prof Dr David Perera; enggau Kaunsil Perubat Malaysia,” ku iya seraya madahka sektor peribit enggau perintah mega bisi mantu JPBNS.

Tambah mega ku iya, asp ari raban terabai menua ari sukut komitmen, dedikasi enggau pengepuh siad udah ngujungka mensia mayuh ulih idup baka selama.

“Baka nya mega rayat Sarawak empu ti sama enggau ngemujurka pekara mutarka COVID-19, nya alai ketegal nya kami meri terima kasih ngagai sida,” ku iya.

Advertisement