Anda di sini

56,849 lot NCR di selampur Sarawak udah disukat kelingi

Advertisement
Awang Tengah nyuaka surat pala tanah Seksyen 18 ngagai siku ari penerima, nyerumba pengawa bejadi  Pesta Tasik Biru enggau Nyuaka surat Pala Tanah Seksyen 18 ungkup kandang  menua Kampung Senibung, Kampung Barieng enggau Kampung Skibang, ti diatur ba Pentas Utama, Pesta Tasik Biru, Bau di Bau, kemari.
Awang Tengah nyuaka surat pala tanah Seksyen 18 ngagai siku ari penerima, nyerumba pengawa bejadi Pesta Tasik Biru enggau Nyuaka surat Pala Tanah Seksyen 18 ungkup kandang menua Kampung Senibung, Kampung Barieng enggau Kampung Skibang, ti diatur ba Pentas Utama, Pesta Tasik Biru, Bau di Bau, kemari.

KUCHING: Naka ke diatu, bisi 56,849 lot endur diau ari 386 buah genturung pendiau di selampur Sarawak udah disukat, pia ku Sapit Premier Sarawak, Datuk Amar Awang Tengah Ali Hasan.

"Ari penyampau nya bisi 53,526 lot udah dikeluarka surat pala tanah enggau sehari tu, aku deka nyuaka 101 surat pala tanah ngagai 100 iku penerima ungkup genturung pendiau tauka Kampung Skibang.

"Lalu naka 31 Ogos 2022, bisi 56,971 lot individu mujur disukat ti mungkur pemesai 71,374 hektar (176,365 ikar). Sepenyampau 23,446 lot udah dikeluarka surat pala tanah ari baruh Seksyen 18 Kanun Tanah Negeri (KTN) ti sepemesai 31,803 hektar (78,587 ikar).

"Tu nyengkaum sepenyampau 204 surat pala tanah seksyen 18 KTN ti disuaka ngagai 172 iku penerima ungkup Kampung Barieng (103 pengempu) enggau Kampung Senibung (69 pengempu)," ku iya ti mega Menteri Pengeraja Asal enggau Pemansang Mengeri.

Iya mansutka pekara nya nyerumba iya bejadi Pesta Tasik Biru enggau Nyuaka Surat Pala Tanah Seksyen 18 ungkup kandang  menua Kampung Senibung, Kampung Barieng enggau Kampung Skibang, ti diatur ba Pentas Utama, Pesta Tasik Biru, Bau di Bau, kemari.

Bejaku baru iya madahka, pengawa ngeluarka surat pala tanah seksyen 18 KTN benung chakah dipejalaika, sereta dipejalaika mungkur semua kandang endur enggau bagi menua selampur negeri Sarawak ti nyengkaum semua bansa Bumiputera ke bisi hak ba tanah adat Bumiputera.

Asal chukup penerang, amat enggau nitihka undang-undang ti madah nya kandang tanah NCR sida enggau sida ngayanka penerang nya, pengawa nyukat enggau ngeluarka surat pala tanah deka dipejalaika, ku iya.

Iya madahka pengawa nyukat tanah NCR nitihka undang-undang enggau prosedur ti ditetapka iya nya dipejalai bepelasarka peminta tanah NCR ti dikemendarka.

"Sesi randau mega diatur ti enggau tuju kena meri penerang enggau ngulihka timbal sebedau aktiviti nyukat berengkah dipejalaika. Tuju iya kena meri penerang enggau ngulihka timbal sebedau kereja nyukat ke amat ba tanah nya dipejalaika.

"Pengawa nyukat semian deka dipejalaika pengudah dipesetuju enggau disukung pengempu tanah ti bekaul. Enti sida enggai tanah sida disukat perimeter, kereja nyukat enda dipejalaika.

"Kes ke agi nyadi isu enggau dipechara ba kort, kereja nyukat enda dipejalaika kelimpah ari enti kes nya udah diputarka ngena chara manah. Pengudah nya enti deka masuk program nyukat tanah NCR Inisiatif baru tu baru, peminta baru patut dikenataika ngagai Opis Tanah enggau Survei," ku iya.

Sama bisi ba pengerami tu kemari Sapit Menteri Perengka Pengangkut Datuk Henry Harry Jinep, ti mega Kaban Kunsil Negeri (ADUN) Tasik Biru, sereta ADUN Batu Kitang Lo Khere Chiang enggau sida ke bukai.
 

  • oleh
  • Advertisement