Anda di sini

Ngena sengkabung idung enggau mulut dalam begunan diatu,pemilih individu nya empu: Khairy

Advertisement
 

KUALA LUMPUR: Opis Menteri Pengerai (KKM) netapka ngena sengkabung idung enggau mulut dalam begunan diatu,pemilih individu nya empu, ti diteritka tekala nya.

Menteri Opis Pengerai Khairy Jamaluddin madah, taja pia pengempu premis tau nentuka sekalika orang bisi datai mesti ngena sengkabung idung enggau mulut tauka  milih enda ngena nya.

Taja pia ku iya, sengkabung idung enggau mulut  mesti dikena enti ba gaya kes positif COVID-19 ti mesti ngaga Palan Beratika COVID-19 (CAC) ambika pengerai sida diperesa.

“Mega (diatu) maya ngena servis perengka pengangkut mensia mayuh baka bas, kereta api, teksi nyengkaum servis e-hailing,bilun enggau bas, van pekereja enggau van sekula enggau maya ba fasiliti pengerai baka sepital, klinik, rumah alai nyaga, palan hemodialisis enggau ke bukai ti sebaka enggau nya,” ku iya madah maya aum media pengudah bejadi Aum Besai Serakup Ubat Generik enggau Biosimilar Antarabansa (IGBA) – Organisasyen ungkup Industri Farmaseutikal Malaysia (MOPI) 2022 ditu, kemari.

Ku iya, pemutus nya digaga bepelasarka perati gaya COVID-19 sereta berundingka guna ke diatu. 

Perintah netapka mesti ngena sengkabung idung enggau mulut berengkah ari 1 Ogos 2020.

Taja pia, berengkah ari 1 Mei lepas,sengkabung idung enggau mulut semina mesti dikena maya dalam begunan enggau dalamperengka  pengangkut mensia mayuh nyengkaum pservis e-hailing.

Ku Khairy, mensia mayuh amat diperansang ngena sengkabung idung enggau mulut laban nya enda nyata amat dipeda ulih ngurangka pengelekai rampit.

“KKM mega amat meramsang ambika sengkabung idung enggau mulut lalu majak dikena maya ba endur ke bisi mensia mayuh sereta dedat baka pasar malam, stadium, palan bebeli barang enggau rumah alai sembiang,” ku iya.

Ungkup individu ke bisi kelai baka tabin, batuk enggau renga, individu berisiko tinggi baka raban orang lunggar umur, orang ke ngidap penyakit kronik, individu ti lemi imuniti, bala indai ke betubuh bisi enggau orang ngereja  aktiviti begulai enggau orang ke berisiko tinggi baka raban orang lunggar umur enggau nembiak mit, endang dip eransang ngena sengkabung idung enggau mulut.

KKM deka terus matau gaya COVID-19 ba dalam enggau luar negara kelimpah ari nentuka penyendia servis pengerai ba ikas ke optimum, dikena nentuka pengelantang rayat, ku iya. - Bernama

Advertisement