SRI AMAN: Sapit Menteri Pelajar, Inovasyen enggau Pemansang Pengelandik ke mega Kaban Kunsil Negeri Simanggang, Datuk Francis Harden Hollis udah nemuai keterubah iya kena ngepunka sechara rasmi operasyen Sepital Sri Aman II ditu, kemari.
Nyambut penatai iya enggau raban iya, Direktor Sepital Sri Aman Dr Hazwani Mohd Yusop enggau Sapit Direktor Dr Sim Poh Ling.
Antara unit dalam hospital ti dilawa iya, iya nya Unit Farmasi, Optalmologi, Ortopedik, Unit Endur Ngerejista, Unit ETU enggau Wad Pesakit Lelaki.
Harden lebuh ke dirandau media maya ke nemuai nya ma dah, operasi sechara berenggat Sepital Sri Aman II nya siti chara nuju operasyen sepenuh sepital baru nya ti disikap enggau iti108 katil nya, sereta madamka jaku tuduh sekeda orang ti ngaga sepital nya nyadi isu politik.
“Operasyen nye dibagi ngagai tiga fasake alai 1 September 2022 nya fasa keterubah.
“Kena 15 September 2022 iya nya bepindah kia fasa kedua lalu fasa ketiga deka dipadahka dudi ,” ku iya.
Ku iya, pengawa masuk pindah kia nya ambika ulih silik nyikap tetiap unit.
Nyempulang iya nemuai kia,Penghulu Mingging Sigan, Penghulu Andar Suntai, Penghulu Kang Tai Kong, Penghulu Leonard Libau Anol, Kapitan Ling Siew Hung, Tuai Rumah Rose Emma Stanley Gate, Tuai Rumah Lina Busang, Kunsilor Waterkiller James Junit, Kunsilor Denneil Saweng enggau Gerunsen Nyelang.