Anda di sini

Rh Usai Nyambang penerima keterubah agih belanja PPRMS 2022 DUN Krian

Advertisement
Friday ngabas taba Projek Tembu Projek Nambahmanah Rumah Seranta Sarawak Fasa 1 2022 ba Rumah Usai Nyambang, apin lama udah.
Friday ngabas taba Projek Tembu Projek Nambahmanah Rumah Seranta Sarawak Fasa 1 2022 ba Rumah Usai Nyambang, apin lama udah.

SARATOK: Rumah Usai Nyambang di Lengain nyadi penerima keterubah agih belanja ari baruh Projek Nambahmanah Rumah Seranta Sarawak (PPRMS) 2022 dalam sitak Kunsil  Negeri (DUN) Krian.

Kaban Kunsil Negeri (ADUN) Krian Friday Belik madah, agih belanja nya dikena ngangkatmanah perengkaguna  ba rumah panjai nya.

"Peranak dia udah minta dikena nyilih atap rumah panjani sida ke udah tuai.

"Kenyau ari rumah panjai nya didirika dalam taun 1981, atap nya nadai kala ditukar lalu tebal agi udah buruk, sereta mega tuduh.

"Nya alai, kami meri sukung penuh ba peminta peranak  rumah panjai tu ambika dikemerat nyentuk ke sida mujur nerima agih belanja nengah PPRMS," k uiya.

Iya madah munyi nya lebuh ke Nagbas Taba Projek Tembu Projek Nambahmanah Rumah Seranta Sarawak Fasa 1 2022 ba Rumah Usai Nyambang,apin lama udah.

Ku Friday, iya seruran deka mantu rayat di DUN Krian mutarka penenggul ke malut sida.

"Nya alai, kami ngarapka ketuai raban bansa enggau tuai rumah bejalaika pengawa meri pemadah ngagai kami bekaul enggau utai ke diguna enggau penanggul ke ditapi raban bansa ba renggat nembiak redak," ku Friday.

Berebak enggau nya, Tuai Rumah Usai Nyambang madahka iya gaga amat ati laban agih belanja dikena nyeruri atap rumah panjai ti dipinta iya enggau sida serumah dikemeratka Friday.

"Kami deka meri terima kasih ngagai ADUN Krian, Friday Belik ketegal sukung enggau penyiru iya mutarka penanggul tu," ku iya.

Sama bisi datai maya nya,pengari ari Opis Pelilih Menua Saratok enggau Opis Kunsil Pelilih Menua Saratok.
 

Advertisement