Sida diperansang nelebaka diri enggau landskap sereta pemar dunya dagang,ambika tan maya bejalaika dagang
“Program YES tu inisiatif Opis Menteri Nembiak,Lumba enggau Main enggau Pemansang Orang Dagang Sarawak dikena meransang mayuh agi bala nembiak ngaul diri dalam bidang dagang, ti lalu ngenegapka ekonomi di Sarawak ke diatu nuju ngagai digital”
Dr Ripin Lamat
Sapit Menteri Nembiak,Lumba enggau Main enggau Pemansang Orang Dagang Sarawak
LIMBANG: Nembiak ti beumur 15 nyentuk 40 taun di Sarawak majak ngambi peluang ngaul diri dalam bidang pengawa dagang nengah Program Youth Entrepreneur Setup (YES) ari baruh inisiatif Opis Menteri Nembiak, Lumba enggau Main enggau Pemansang Orang Dagang Sarawak.
Sapit Menteri Nembiak,Lumba enggau Main enggau Pemansang Orang Dagang Sarawak Dr Ripin Lamat madah,opis menteri nya udah ngelancharka Calendar of Programmes (COP) ungkup taun 2022 enggau moto ‘Tiada Minggu Tanpa Program’, ke alai120 program udah diperambu ungkup semua pelilih enggau bagi menua Sarawak.
“Program YES tu inisiatif Opis Menteri Nembiak,Lumba enggau Main enggau Pemansang Orang Dagang Sarawak dikena meransang mayuh agi bala nembiak ngaul diri dalam bidang dagang, ti lalu ngenegapka ekonomi di Sarawak ke diatu nuju ngagai digital,” ku iya mayaprogram YES ditu, kemari.
Sama bisi ngulu program nya,Sapit Menteri Pemansang Menua Pesisir Datuk Hasbi Habibollah, Kaban Kunsil Negeri Batu Danau Paulus Palu Gumbang,Sekretari Mendam Opis Menteri Nembiak,Lumba enggau Main enggau Pemansang Orang Dagang Sarawak Nancy Jolhi, Sapit Residen Bagi Menua Limbang Jamalie Busrie enggau D.O Limbang Superi Awang Said.
Ripin mega meransang bala nembiak kelebih agi di Limbang majak nelebaka diri enggau landskap sereta pemar dunya dagang,ambika sida ulih ngenat sereta ngenan ba diri maya bejalaika dagang sida dudi ila.
Mayuh bengkah aktiviti diatur nyengkaum licha ariOpis Pelilih Menua Limbang, Opis Kaun sil Pelilih Menua Limbang enggau Perbadanan Pembangunan Ekonomi Sarawak (SEDC), sereta sesi Town Hall Begulai enggau Oxrang Dagang Nembiak awakka mendingka aspirasyen enggau sekeda isu bekaul enggau orang dagang nembiak.