Anda di sini

Inisiatif PM mutarka isu orang ti diau ngampar sebarang endur dipuji

Advertisement
Fatimah lebuh dikerandau raban pengarang berita bekaul enggau langgur numbuhka Rangka Tindakan enggau komiti pasal isu orang ti diau ngampar sebarang endur di menua tu ti dibantaika Ismail, kemari. -Gambar Muhammad Rais Sanusi
Fatimah lebuh dikerandau raban pengarang berita bekaul enggau langgur numbuhka Rangka Tindakan enggau komiti pasal isu orang ti diau ngampar sebarang endur di menua tu ti dibantaika Ismail, kemari. -Gambar Muhammad Rais Sanusi

Negeri tu udah dulu numbuhka siti komiti sereta udah disukung kabinet tauka perintah negeri ba taun 2019

"Nengah komiti begulai kena betapi enggau isu orang ti diau ngampar sebarang endur di selampur Sarawak kitai bejalaika operasyen besepadu kena nyelamatka raban orang ti diau ngampar sebarang endur tu, lalu profile sida dipasukka dalam data, nya kebuah kitai begunaka kerejasama ejensi ti bekaul nya dalam komiti.

Dato Sri Fatimah
Menteri Pemansang Orang Indu, Nembiak Mit enggau Pengelantang Pendiau Raban Bansa Sarawak


Dikarang Rengenyan Labang 

KUCHING: Menteri Pemansang Orang Indu, Nembiak Mit enggau Pengelantang Pendiau Raban Bansa Sarawak Dato Sri Fatimah muji inisiatif Menteri Besai (PM) Datuk Seri Ismail Sabri Yaakob ti deka numbuhka 'Rangka Tindakan' enggau komiti pasal isu orang ti diau ngampar sebarang endur di menua tu.

Fatimah madahka gaya tauka isu bekaul enggau orang ti diau ngampar sebarang endur di Semenanjung enggau Sarawak bisi bida sereta negeri tu kebendar udah dulu numbuhka siti komiti sereta udah disukung kabinet tauka perintah negeri ba taun 2019.

Iya madahka, betapi enggau isu orang ti diau ngampar sebarang endur tu begunaka tindakan bersepadu lalu berindik ari nya komiti ti ditumbuhka nya dipasuk beberapa ejensi ti bekaul nyengkaum Opis Pengerai, Opis Pengerejista Bansa enggau AADK.

"Nengah komiti begulai kena betapi enggau isu orang ti diau ngampar sebarang endur di selampur Sarawak kitai bejalaika operasyen besepadu kena nyelamatka raban orang ti diau ngampar sebarang endur tu, lalu profile sida dipasukka dalam data, nya kebuah kitai begunaka kerejasama ejensi ti bekaul nya dalam komiti.

"Kenyau ari 2019 bejalaika proses tu, kelimpah ari operasyen begulai ti dipejalaika di Kuching, Sibu Bintulu Miri Lawas Mukah enggau ke bukai, kitai nadai alai tauka palan ngengkahka orang ti diau ngampar sebarang endur tu.

"Taja pia, perintah negeri setuju kitai numbuhka palan ke dikumbai Tempat Transit Gelandangan (TTG) di Sarawak, bepelasarka penyampau orang ti diau ngampar sebarang endur ke ditemu tu kitai begunaka endur tu (TTG) sereta laban Sarawak tu besai kitai udah dikemendarka numbuhka TTG di siti(1) di Kuching, Miri (1),  Bintulu(1) enggau siti(1) di Sibu," ku iya lebuh dikerandau raban pengarang berita ba pengerami bejadi Kelas Program Pendidikan Khas Integrasi Sekolah Jenis Kebangsaan Chuang Hua No.1 ditu kemari.

Fatimah dipinta meri penemu iya bekaul enggau rangka tindakan enggau komiti pasal isu orang ti diau ngampar sebarang endur deka ditumbuhka kena netapka kuing bekaul isu nya laban diatu nadai punca kuasa enggau undang-undang khusus dalam pengoperasian enggau pengendalian raban tu di menua (Malaysia) tu.

"Menua keterubah ti udah bisi alai strategik endur TTG enggau ulih diakses iya nya Sibu sereta (TTG Sibu tu) udah beoperayen enggau rasmi kena 28 Januari 2022.

"TTG Sibu tu nyadi model ngagai TTG ke deka digaga di negeri tu. Kitai ngena model tu sereta engka bisi diubah nitihka guna ba sesebengkah endur.

"Nya alai kitai Sarawak udah datai ba renggat tu diatu, perintah besai baka ke dipadah nya deka numbuhka komiti sereta kitai udah bisi komiti bekaul pekara tu kenyau ari taun 2019, ti lalu ngujungka diatu kitai udah bisi TTG sereta bisi udah bejalaika operasyen iya nya di Sibu sereta endur ke bukai nya dalam dipejalaika bererenggat," ku iya.

Bepelasarka ripot berita Bernama kena 3 ogos apin lama, Menteri Besai Datuk Seri Ismail Sabri yaakon madahka pekara nya (Rangka Tindakan enggau komiti pasal isu orang ti diau ngampar sebarang endur di menua tu) dipesetuju ba aum keterubah komiti kabinet Ungkup Pengelantang Pendiau Raban Rentan ti bechairmanka iya empu sereta digulu bala menteri, bala sapit menteri ti bekaul enggau pemesai kanan opis menteri enggau opis ti bekaul di Putrajaya.
 

Advertisement