BINTANGOR: Pengajar siku orang ti megai tanggungpengawa nempa rebak ke diatu nitihka chuan enggau aspirasyen ti udah dirintaika perintah
Kaban Kunsil Negeri Meradong Datuk Ding Kuong Hiing madah, pengawa siku pengajar ukai semina ngajar tang nyeridi bala anak nyadi individu ke mujur lalu ulih gawa ke menua enggau bansa.
"Kitai semua patut nemu laban raban tu mih ke deka nyadi ketuai menua jemah ila.
"Dalam pekara tu, modal mensia ke beguna amat kena nempa peranak menua ke nyulut sereta ulih begulai enggau perin tah nirika menua enggau bansa ti naydi juluk ati kitai semua.
"Ba pengawa ngajar anak bansa, pengajar seruran ba rintai ke pemadu mua lalu semua pengawa ti dikereja pengajar patut bepelasarka juluk enggau tuju ti udah ditetapka perintah ke diatu," ku Ding.
Iya bejaku munyi nya maya pengerami ngintu Hari Pengajar Sekolah Jenis Kebangsaan (SJK) Kai Sing, ditu, ensana.
Ku iya, knadai penyemaka ba pengawa enggau tuju ba rint ai mua tau ngujungka penimpang nyadi ba semua organisasyen.
Nya alai ku Ding, pengajar patut nyadi raban ti bgereja pengawa ti semampai rurus ati sereta talukka ketuai sida, iya nya perintah ke megai menua.
Ku iya, enti pekara tu ulih digalakka dalam tetiap iku pengajar, juluk ati deka meda nembiak teulihka pemujur ulih nyadi nyata.
Ku Ding, dunya penlajar udah mayuh berubah enti dibandingka enggau sepuluh taun ke udah.
"Diatu, pengajar nguju ngena teknologi maya ngajar enggau belajar kena ngemanyuhka chara ngajar.
"Semua chara enggau inovasyen ke diengkebang nya endang kena mantu nembiak sekula belajar sereta nyapai prestasi ti nyulut.
"Kelimpah ari nya, apai indai mega beguna amat dalam pelajar anak sida lalu mesti meri sukung ngagai sekula sereta nemu pasal pemansang pelajar anak sida," ku Ding.
Sama bisi ngulu pengeami nya, Pemesai Opis Pelajar Pelilih Menua (PPD) Meradong Sharifah Idawati Wan Ahmad, Chairman Kaunsil Pengatur Sekula Leong King Yung, Chairman Gerempung Apai Indai enggau Pxengajar (PIBG) Rinda Alexander enggau Kepala Pengajar Ong Yi Ting.