Anda di sini

Bedau bisi pemutus bekaul enggau RUU merejuk parti

Advertisement

KUCHING: Opis Ketuai Luyar Negeri Sarawak bedau ngaga sebarang pemutus sekalika Rang Undang-Undang (RUU) Konstitusyen (Ubah) (No.3) 2022 bekaul enggau penetap nagang Kaban Kunsil Negeri betukar parti ba negeri tu dikemeranka tauka enda.

Ketuai Luyar Negeri Sarawak, Dato Sri Talat Mahmood Abdul Rashid madah diri udah meda pekara nya tang bedau ngaga sebarang pemutus.

"Aku udah meda pekara tu tang sebarang pemutus bekaul pekara tu bedau digaga.

"Lalu bepanggai ba perintah (Sarawak) ngaga pemutus (sekalika deka dibantaika tauka enda ba Kunsil Nengeri (DUN)," ku iya.

Talat dirandau raban pengarang berita pengudah ngulu Prosiding Referan (Reference Proceding) tauka pengerami ngingatka Hakim Mahkamah Atasan ari Sarawak ke udah nadai ti diatur ba Kompleks Mahkamah Kuching ditu, kemari.

Talat lebuh dirandau raban pengarang berita pengudah ngulu pengawa Prosiding Referan (Reference Proceding) tauka pengerami ngingatka Hakim Mahkamah Atasan ari Sarawak ke udah nadai ti diatur ba Kompleks Kort Kuching ditu, kemari.
Talat lebuh dirandau raban pengarang berita pengudah ngulu pengawa Prosiding Referan (Reference Proceding) tauka pengerami ngingatka Hakim Mahkamah Atasan ari Sarawak ke udah nadai ti diatur ba Kompleks Kort Kuching ditu, kemari.

Iya ditanya sekalika renggat Sarawak deka bejalaika Rang Undang-Undang (RUU) Konstitusyen (Ubah) (No.3) 2022 bekaul enggau penetap nagang Kaban Kunsil Negeri betukar parti ba negeri tu berindik ari Dewan Rakyat udah ngemendarka RUU nya.

Apin lama bepelasarka sebengkah ripot berita,Ketuai Luyar Negeri Sarawak dipadah patut mansik nama ke patut kena bejalaika RUU Konstitusyen (Ubah) (No.3) 2022 pasal penetap nagang ADUN betukar parti ba negeri tu.

Mandal Presiden Kanan Parti Pesaka Bumiputera Bersatu (PBB) Datuk Seri Fadilah Yusoh madahka Sarawak endang udah bisi penetap pasal nagang merejuk parti dalam Konstitusyen negeri tu.

Taja pia iya, penetap nya enda ulih dipejalaika sebedau tu laban enda setipak enggau Konstitusyen Perintah Besai.

"Nya alai lebuh Konstitusyen Perintah Besai udah diubah (apin lama) lalu penetap tu (penetap merejuk parti negeri) engka diatu ulih diteritka.

"Diatu dilempaika ba perintah negeri Sarawak mansik sekalika deka ngaga penetap sebaka enggau Perintah Besai tauka chukup semina ngena penetap negeri ke udah bisi, nya begunaka pansik undang-undang," ku jaku Fadillah.

  • oleh
  • Advertisement