Anda di sini

Perintah Sarawak mesti majak minta pulai autonomi pelajar

Advertisement
 

MIRI: Perintah Sarawak mesti majak minta pulai autonomi pelajar berindik ari komitmen sida beranakka puku ke pemanah pengidup bala anak di negeri tu.

Ex-Datuk Bandar Miri Datuk Lawrence Lai (gambar) pechaya enti autonomi dalam pelajar nya ulih diambi pulai, nya deka nyadi peluang ke manah ngagai Sarawak numbuhka universiti sains enggau teknologi kediri empu.

“Sains enggau teknologi endang chara maju kena nyingkang ke mua jemah ila, nya alai Sarawak diatu ngiga jalai pemansut  pemisi bukai nengah chara ekonomi gadung baru.

“Nya kebuah, kitai patut bisi sebuah universiti sains enggau teknologi kediri empu ambika bala  agar anak Sarawak tau endaa ibuh nampung pelajar sida ngagai menua tasik ,” ku iya madah ngagai Utusan Borneo ditu,kemari.

Lai ke mega siku luyar optimis  enggau pemisi universiti nya, Sarawak ulih ngadaka mayuh agi pengereja pengawa ti bepelasarka teknologi enggau pengelandik.

Ku iya, nya mega setipak enggau pengawa perintah negeri ti dekaka Sarawak nyadi sebuah negeri maju nengah pemansang teknologi enggau sains moden.

Lai mega arap amat ati, laban Jaku Inggeris kekal mengkang nyadi jaku tambah rasmi di Sarawak kelimpah ari jaku Malaysia, Sarawak nadai penanggul ngangkatka pelajar sains enggau teknologi ngena jaku nya

“Kena akses ngagai teknologi enggau penemu sains di dunya, jaku Inggeris endang beguna amat.

“Nya alai Sarawak penanggul ngena jaku Inggeris laban (Jaku Inggeris) bela di kemeratka kena ngatur menua enggau komunikasyen kitai ditu,” ku iya. 
 

Advertisement