Anda di sini

Perintah tetap neruska semaya, polisi ti dibantaika sebedau tu

Advertisement

GPS seruran ngemeratka rayat enggau meretika mayuh macham isu sereta ngulihka input beguna di renggat baruh

Henry (mua empat kiba), Awangku Jinal Abedin (dua kanan) ngelimpangka awak begulai enggau peranak Kampung Awat-Awat lebuh pengerami nya.
Henry (mua empat kiba), Awangku Jinal Abedin (dua kanan) ngelimpangka awak begulai enggau peranak Kampung Awat-Awat lebuh pengerami nya.

“Program ngelawa tu dikena aku betemu enggau ninga penemu, penerang ti nyangka bisi ti beguna ulih dipejalai sereta dikena dalam mantu rayat,”

Datuk Henry Sum Agong
Sapit Menteri Perengka Pengangkut Malaysia 


LAWAS: Perintah ari baruh pegai Gabungan Parti Sarawak (GPS) neruska agenda enggau polisi ti udah dibantaika perintah sebedau tu seagi nya dipechaya meri empas sereta bepelasarka rayat.

Sapit Menteri Perengka Pengangkut Malaysia Datuk Henry Sum Agong madah, perintah GPS seruran ngemeratka rayat enggau meretika mayuh macham isu sereta ngulihka input beguna di renggat baruh.

“Kaul ti rat tu nyadika Parti Pesaka Bumiputera Bersatu (PBB) enggau GPS terus bulih sukung rat rayat Sarawak,” ku iya ba Pengerami Nyuaka Geran Projek Mit Menua Pesisir (MRP) ngagai enam Komiti Pemansang enggau Pengelikun Genturung Pendiau (JKKK) di Awat-Awat enggau kelab sereta gerempung raban nembiak di Awat-Awat ditu.

Sama bisi Sekretari Politik Premier Sarawak Awangku Jinal Abedin Datuk Pengiran Jawa enggau Eksko Raban Nembiak PBB Sarawak ti mega Ketuai Raban Nembiak PBB Pampang Ba'Kelalan Steve Lius.

Kaban Parlimen Lawas nya madahka ketuai mega patut tebuka dalam nerima input ari rayat dalam nentuka tunga kuing pmansang dilangkar engkeman enggau guna sekeda palan.
“Program ngelawa tu dikena aku betemu enggau ninga penemu, penerang ti nyangka bisi ti beguna ulih dipejalai sereta dikena dalam mantu rayat,” ku iya.

Iya dekaka kaul rat entara peranak sereta ketuai ulih ditegapka agi lalu dikemeranka ungkup pemaik jemah ila.

“Tu beguna lebuh ti menua enggau rayat betapi enggau penguji COVID-19 sereta isu ti bekaul enggau ungkus pengidup ke patut sama diputarka,” ku iya nerang.

Kaban Majlis Kerja Tertinggi PBB Sarawak nya dekaka selubang sepenemu enggau beserakup entara sama rayat ulih diteruska.

“Sida patut landik meda berapa mayuh semaya manis ke ulih datai ngagai gaya ke enda menuku jemah ila.

“Tu nyata lebuh perintah Pakatan Harapan (PH) ti nyadi perintah besai pengelama 22 bulan, mayuh semaya manis enda ulih dijapai pengudah pengawa bepilih besai lalu gaya pendiau sida mega tusah deka ditemu enggau ngelakka rayat enda nemu tuju ti betul,” ku iya.

Advertisement