Anda di sini

Tukar chara betanam betupi lama ngagai chara moden

Advertisement
Abdul Yakub (baris mua, empat kiba) begulai enggau kaban PPK Mukah maya ti bejadi program nya.
Abdul Yakub (baris mua, empat kiba) begulai enggau kaban PPK Mukah maya ti bejadi program nya.

MUKAH: Raban pekebun patut ngambuan ulah ti positif ngambika berubah dalam bidang ti disereta sida.

Kaban Kunsil Nengeri (ADUN) Balingian Abdul Yakub Arbi madahka pengawa betanam betupi chara tradisonal tauka chara lama diatu nadai agi relevan lalu patut dipejalaika enggau chara moden ti setipak enggau ubah jeman.

“Jeman udah berubah, diatu pengawa betanam betupi dipejalaika enggau chara moden lalu digaga dalam skala besai dikena nangkup guna semua raban,” ku iya.

Iya madah munyi nya lebuh ti bejadi Aum Besai Ninting Taun (AGM) Gerempung Orang Bumai Kandang Endur (PPK) Mukah Ke-37 ditu bedau lama ti udah.

Nitih ku iya, pengawa betanam betupi skala mit tauka chara lama enda agi engkeman maya diatu enti dibandingka enggau suba pengawa betanam betupi skala mit semina ungkup guna diri enggau ruang bilik aja.

“Tang diatu enggau teknologi sereta mayuh macham pemisi perengkaguna asil betanam betupi ulih nyadi dagang ungkup penguna bukai.

“Pia mega, sekeda produk ti bisi potensyel ulih dieksport ke menua luar ke lalu nentuka bisi penguntung asil ti besai,” ku iya nerang.

Berindik ari nya, pengawa betanam betupi kebendar nya dipeda nyadi siti ari chara dagang ti bisi potensyel besai dalam nambahka penatai pemisi.

Pia mega, Abdul Yakub mega meransang kaban PPK ngambika beranakka puku dalam PPK diri empu.

Sama bisi datai iya nya Chairman PPK Mukah Manuchihr Smith.
 

Advertisement