Anda di sini

Perintah nengeri dipinta lengkas mutarka isu ampuh bah tunggal di Lorong Foochow

Advertisement
Violet (kiba) bejaku ba aum pengarang berita di Indu Opis DAP ditu kemari. Sama bisi pemantu khas iya George Lam.
Violet (kiba) bejaku ba aum pengarang berita di Indu Opis DAP ditu kemari. Sama bisi pemantu khas iya George Lam.

KUCHING: Kaban Kunsil Negeri (ADUN) Pending, Violet Yong enda lantang ati ngagai perintah negeri ti enda bebendar tauka serius mutarka isu ampuh bah tunggal ke suah nyadi ba Lorong Foochow ditu.

Nitih ku Violet, isu ampuh bah tunggal udah diasaika peranak ke diau ba kandang endur tu ari Lorong Foochow 1B,1T, 1V,1X,1Y enggau 1Z kenyau 40 taun ke udah. 

Nya alai ku iya betanya ngaga menteri ti megai tanggungpengawa nya nerangka kebuah perintah negeri enda ulih mutarka isu tu.

"Aku enda kala nadai ngenataika isu tu dalam aum Kunsil Nengeri (DUN), tang saut betulis ti diterima ari Menteri Pengerai Mensia Mayuh, Pengawa Berumah enggau Kaunsil Kandang Menua enda ngelantang ati. 


"Ari saut nya, terang amat perintah enda bebendar tauka serius mutarka isu ampuh bah tunggal ba kandang endur nya," ku iya ba aum pengarang berita di Indu Opis DAP ditu, kemari.

Ku Violet nerang baru, nengah saut betulis ke diterima, sida opis menteri meri tegal iya nya kunteriktor enda bejalaika kereja ngintu enggau ngemanahka ninting bulan ba semua parit.

Kelimpah ari nya ku iya, iya mega dipadah nengah saut betulis iya nya kandang endur nya baruh ari asal enggau sebarang kereja ngemanahka jalai, parit semin ukai chara mutarka ti efektif.

Tegal bukai, ampuh bah tunggal deka nyadi ba kandang endur tu maya ti bisi ujan bangat enggau ai pasang besai sereta dinding nekat ampuh bah ba endur tu tusah ba endur tu laban enda chukup alai sereta begunaka ungkus tinggi kena ngaga baraj di Sungai Tabuan iya nya RM380 juta baka ti dipadah ba jaku simpul 2018.

"Semua saut tu chukup enda ngelantang ati. Enti perintah negeri amat bejalaika tanggungpengawa, putarka isu ampuh bah tunggal tu enggau lengkas.

"Anang deka ngelubah, laban ba sida peranak ke betapi isu tu iya nya balat tauka serius laban ngerusak reta tengkira sida tiap kali ampuh bah tunggal nyadi," ku Violet. 
 

Advertisement