Anda di sini

Ubah runding dalam industri betanam betupi

Advertisement

MUKAH: Menteri Betanam Betupi Moden enggau Pemansang Kandang Menua,Dato Sri Dr Stephen Rundi Utom minta orang ke bumai bekebun ngubah runding dalam industri betanam betupi.

Ku iya, industri betanam betupi amat bekait rat enggau industri pemakai sereta tau meri penguntung.

"Kita patut ngubah runding, betanam betupi tau meri duit enggau meri penguntung," ku iya lebuh ke betemu enggau bala pekebun mit mulung enggau nenas di Dalat, semalam.


Sama bisi maya nya,Menteri Pemansang Orang Indu,Nembiak Mit enggau Pengelantang Komuniti Dato Sri Fatimah Abdullah enggau Ketuai Pemesai Eksekutif Craun Research Sdn Bhd, Zaidell Hussaini.

 Rundi enggau Fatimah maya mendingka penerang ba siti ari sesi penemuai sida di Dalat, kemari.
 Rundi enggau Fatimah maya mendingka penerang ba siti ari sesi penemuai sida di Dalat, kemari.

Betanam betupi ku iya, ukai pengawa baru ba tebal agi peranak di negeri tu tang semina dikemeranka ngena chara lama ke guna ninting hari aja.

Taja pia ku iya,chara ke baka enda enda ulih agi dikena kena nangkup peminta keleb ih agi ba guna ke mayuh tauka global.

Industri betanam betupi ku iya, begunaka ubah ari tiap sukut kelebih agi teknologi dikena ngemeranka nya engagu chara ke besai.

Ngena chara manual  enda agi relevanenda deka meda  asil ke ditanam nya mayuh diketau, ku iya.

Ku iya baru, patut bisi penyedar ba diri empu laban industri betanam betupi nya industri ti tau meri penguntung.

Ku iya, nya nyata dipeda ba sekeda menua maju ke bukai ti udah teulihka pemujur nengah industri nya.

"Ngena teknologi, nengah pansik enggau pemansang ke manah sereta engkeman,industri betanam betupi mega bela dibantu sekeda industri bukai," ku Dr Rundi.

Advertisement