Anda di sini

Sarawak begunaka orang lelaki, indu ke landik nyaup ngemansangka negeri

Advertisement
 

KUCHING: Sarawak begunaka orang lelaki enggau oran g indu ti ngembuan pengelandik ngemansangka negeri tu, pia ku Premier Sarawak Datuk Patinggi Tan Sri Abang Johari Tun Openg.

Ku iya, ekonomi baru yang bepelasarka pengelandik enggau digital, nadai mida lelaki enggau indu, asalka sesiku orang nya ngembuan pengelandik, iya deka bulih peluang ba endur nya.

“Sarawak bisi 2.8 juta iku penyampau tubuh lalu pemansang ekonomi kitai jampat nyengkaum ba pekara digital enggau pengawa ngaga bepelasarka pengeraja asal.  

“Bisi mayuh utai ke digaga bepelasarka minyak enggau gis dalam peranmbu lalu kami udah ngenukuka pemeranak puku ba endur nya.

“Nya kebuah kitai begunaka pekereja, lalu udah tentu proses ngemansutka nya deka nyengkaum teknologi, lalu ari nya aku berundingka orang lelaki enggau indu kitai bisi peluang laban kitai tu sebuah wilayah ke mit lalu kitai begunaka sida ti ngembuan pengelandik ngemansangka negeri,” ku iya.

Iya madah munyi nya maya aum media pengudah bejaku nutup jurai enggau nangguhka Gempuru Besai PBB Ke-15 ditu,ensana.

Abang Johari ke mega presiden PBB madah, nengah konvensyen parti tau nyerungkai polisi ekonomi enggau perintah baru laban raban nya udah begempung enggau parti komponen bu kai.

“Kitai nguji nyapai utai ti udah dipadahka dalam Strategi Pemansang Pengudah COVID-19 (PCDS) 2030 lalu semua tu  baru dalam ekonomi.

“Lalu udah tentu, kitai betuah amat laban bisi tim ke kering ari baruh Gabungan Parti Sarawak (GPS) kena ngubah Sarawak,” ku iya.

Dulu ari tu, Abang Johari lebuh ke bejaku nutup jurai, madahka PBB udah ngubah konstitusyen parti ambika ngemendar nambaha raban orang indu dalam Kaunsil Kereja Tetinggi parti.

“Diatu, parti semina bisi Dato Sri Fatimah Abdullah ti nyadi kaban Kaunsil Kereja Tetinggi lalu kami deka nambahka mayuh agi  orang indu dalam rintai nya,” ku iya.

Abang Johari mega minta kaban parti majak beserakup ambika parti tmajak tegap.

“Awakka kitai PBB majak nyadi parti ti pemadu kering di Sarawak lalu kitai anang nejuka sebarang pengawa berebutka kuasa laban nya deka ngerusak parti,” ku iya.
 

Advertisement