Anda di sini

Pengajar patut ngembuan runding ti tebuka, ku Lee

Advertisement
(Ari tiga kiba) Ahmad, Lee, Mariam sereta temuai dipebasa kebukai melah kek pengerami ngintu Hari Pengajar MGBDM ensana.
(Ari tiga kiba) Ahmad, Lee, Mariam sereta temuai dipebasa kebukai melah kek pengerami ngintu Hari Pengajar MGBDM ensana.

MIRI:  Ngembuan runding ti tebuka dalam nerima penemu sereta teknologi baru dikena ngadaka peranak global dalam sebuah negeri mansang sereta ti bisi penatai pemisi ti tinggi.

Menteri Perengka Pengangkut Dato Sri Lee Kim Shin madah, sukung ari raban pengajar ti ngembuan runding ke tebuka endang chukup diguna dalam ngadaka rebak ti bekualiti ungkup guna pemansang di nengeri tu.

“Anang bisi runding ti sempit laban kitai deka tusah deka nerima penemu ti baru. Nyadi pengajar patut bisi runding ti tebuka,” ku iya ba Pengerami Makai Lemai Hari Pengajar ti diatur Kaunsil Kepala Pengajar Pelilih Menua Miri (MGBDM) kilah ensana.

Lee ti mega Kaban Kunsil Nengeri (ADUN) Senadin madah, entara kriteria besai dalam ngedaka raban global iya nya ulih nguasa Jaku English.

Nitih ku Lee, meretika mayuh bansa jaku iya nya siti pengelebih ti patut dikemegahka.

“Runding raban profesional enda madahka nadai meransang Jaku English. Kitai mesti profesional dalam pemansang runding,” ku iya nerang.

Ku iya nambah, ari baruh pegai perintah nengeri ari baruh Gabungan Parti Sarawak (GPS) ngemeratka penemu enggau tikas kualiti pelajar rayat.

Tu setipak enggau aspirasyen Premier Sarawak Datuk Patinggi Tan Sri Abang Johari Tun Openg ti deka nyadika Sarawak nengeri mansang datai ba taun 2030, ku iya.

Nengah Opis Menteri Pelajar, Inovasyen enggau Pemanssang Pengelandik ku iya nambah, perintah nengeri deka ngadaka pengereja pengawa ti landik enggau nyendiaka pelajar sereta pengelandik ti bisi kualiti ungkup rayat.

Pengawa nya ku iya, nyengkaum numbuhka lima sekula antarabansa ti meri awak ngagai mayuh anak Sarawak ngulihka pelajar ba renggat dunya.

Entara juluk bukai perintah iya nya ngadaka mayuh agi nembiak ti ulih nguasa bidang Sains, Teknologi, Injiniring enggau Matematik (STEM), ku iya nambah.

Berindik ari nya, ku iya madahka pechaya enggau sukung raban sains sereta profesional dalam teknologi ngambi ulih ngenegapka tikas besemekih sereta ngengkahka Sarawak setipak enggau menua mansang ke bukai.

“Tu iya nya siti ari chara perintah Sarawak ngangkatka kualiti pelajar sereta ngasilka pengereja pengawa ti bekualiti ke datai ari kulaiti pelajar. Pelajar iya nya kunchi pemujur,” ku iya nerang.

Ba pengerami nya, Lee udah madahka deka meri agih belanja RM20,000 ungkup tabung aktiviti pengatur program.

Sama bisi datai iya nya Chairman MGBDM Ahmad Othman enggau Pemesai Pelajar Pelilih Menua Miri Mariam Monek.
 

Advertisement