Anda di sini

Sarawak deka ngemansangka SAF: Abang Johari

Advertisement
Abang Johari lebuh datai meri 'keynote address' enggau nutup Forum Dagang Energi Sarawak - Korea 2022 ditu, kemari. -Gambar Muhammad Rais Sanusi
Abang Johari lebuh datai meri 'keynote address' enggau nutup Forum Dagang Energi Sarawak - Korea 2022 ditu, kemari. -Gambar Muhammad Rais Sanusi

KUCHING: Sarawak deka ngalih ngagai pemansang pemansut tegap ba minyak penerebai alternatif baka Sustainable Aviation Fuel (SAF).

Premier Sarawak Datuk Patinggi Tan Sri Abang Johari Tun Openg madah, SAF nya tau nyadi kunchi ngagai penegap pejalai penerebai dalam transaksyen ungkup minyak mimit karbon enggau kena magi karbon ari utai bukai (decarbonize) industri penerebai.

Nitihku iya, penerebai Korea deka ngena SAF ba penerebai ari entara Paris enggau Seoul Incheon,lalu kompeni penerebai nya ulih ngurangka pengawa ngelepaska (emissions) gis rumah gadung nyentuk 80 peratus ,kelimpah ari berani ngalih ngagai penerebai ti 'lebih gadung'.

"Kena nyingkang ke mua, Sarawak nengah Opis Pemansang Ekonomi Sarawak (SEDC) bekerejasama enggau Palan Inovasyen Aeroangkasa Malaysia (AMIC) bejalaika pengawa mansik enggau ngemansangka hidrogen gadung sereta sel minyak,ungkup penerebai jemah ila di Demak, Kuching.

"Kerejasama SAF tu ngayanka pengeran deka ngemansangka minyak bio ungkup penerebai, lalu industri penerebai bisi juluk ngelepaska 'net-zero carbon'. Biodiesel enggau e-methanol tau nyadi siti agi jalai ti mai industri penerebai enggau marin nuju ngagai nyadi minyak mimit karbon.

"Ngerembaika pemansut SAF domestik ulih mantu ngetanka pemesai guna industri minyak bio kitai sereta ulih meri penguntung baru dalam ekonomi, nempa enggau meri jamin ulih nyendiaka peluang gawa di serata menua," ku iya.

Abang Johari mansutka pekara tu lebuh meri keynote adress enggau nutup Forum Dagang Energi Sarawak - Korea 2022 ti diatur ba Hotel Waterfront ditu, kemari.

"Aku arap bendar bisi peluang besai entara Sarawak enggau Korea jemah ila nuju ngagai SAF ke ulih meri penguntung rama, rampa menua, ekonomi tambah - ari nempa peluang gawa mulaika pemanah tanah enggau titik pengubah kena ngangkatka prestasi bilun," ku iya.

Bejaku baru, iya madahka bisi pematut mutarka takah entara rega minyak jet enggau ungkus minyak ti tegap ngambika ulih besemekih.

Iya madahka kitai patut ngurangka risiko belanja kena muka jalai pengawa beranakka puku ti lebih besai enggau ngena SAF ulih ngurangka ungkus (belanja).

"Kami amat ngarapka ulih bekerejasama enggau Republik Korea, kelebih agi dalam pengawa mansik, pemansang enggau mekomersialka teknologi pemansut ti lebih manah enggau ngenanka barang mata ti inovatif," ku iya.

Iya meri jamin negeri ulih bejalaika polisi ti tegap enggau prosedur kena nentuka integriti, senayau enggau atur pengawa manah ti udah tentu deka ngangkatka perengkaguna bejalaika dagang di Sarawak.

"Aku pechaya platform tu ngelaika pemun ngagai kerejasama ti tegap entara Sarawak enggau Korea dalam pemansang energi," ku iya.

Pengerami tu kemari mega bisi digulu Sapit Premier Dato Sri Dr Sim Kui Hian enggau temuai dipebasa ke bukai.
 

  • oleh
  • Advertisement