Anda di sini

Enda ibuh begaut deka ngatur PRU15 dalam taun tu: Minos 

Advertisement
 

KUCHING: Veteran Parti Pesaka Bumiputera Bersatu (PBB) Dato Peter Minos (gambar) madahka parti politik di menua tu enda ibuh berumban deka ngatur Pengawa Bepilih Besai Ke-15 (PRU15).

Ku iya, timpuh penggal ungkup Parlimen semina deka tembu dalam bulan Jun taun nyin ila, nya alai nyema PRU diatur sebedau Disember taun tu, nya ukai siti ari penemu tauka buah runding ti manah ungkup rayat sereta menua.

“Majoriti rayat Malaysia diatu betapi enggau ungkus pemakai sereta barang ti diguna pemun ti tinggi empas ari pandemik COVID-19.

“Nama ti dikedeka rayat diatu iya nya deka mulaika baru pemanah ekonomi menua lalu ukai nya pengawa bepilih.

“Pengawa bepilih ulih nganti, tang enda lebuh nya bekaul enggau pengidup ekonomi rayat ti benung betapi enggau penusah,” ku iya nengah siti penerang media.

Minos sama enda ngenggaika bisi ti ngansak ngatur PRU15 diatur enggau naka pengelengkas ketegal kluster kort enggau ari raban dalam UMNO.

Ku iya, mayuh ti bisi madahka kluster kort dekaka PRU diatur enggau tumu sebedau pemutus kort enda ngarika sida laban mayuh dawa dalam kes penyalah.

“Menteri Besai empu enggau mayuh agi dalam UMNO enda gagit deka ngatur PRU tumu.

“Sida dalam gaya runding ti ngembuan penangi lalu nemu rayat enda gagit deka bisi PRU taun tu.

“Kitai ngarap enggau besampi Menteri Besai sereta raban ketuai elit deka meda sereta berundingka semua isu sebedau nentuka hari bulan PRU,” ku iya.
 

Advertisement