Anda di sini

Semua komuniti patut begulai mutarka kes penyalah rama

Advertisement
Royston (duduk, tengah) begulai engau temuai ke bukai maya Pengerami Nerima Pengabang Gawai Raya KRT Petanak Jaya, Mukah, malam kilah ensanus.
Royston (duduk, tengah) begulai engau temuai ke bukai maya Pengerami Nerima Pengabang Gawai Raya KRT Petanak Jaya, Mukah, malam kilah ensanus.

MUKAH: Kes penyalah rama ti mai impak negatif patut diputarka enggau begulai ari tiap genap renggat komuniti.

Kaban Kunsil Nengeri (ADUN) Tellian Royston Valentine ngelalau mai bala rayat ngambika sama bekerejasama mutarka penanggul tu di sitak diri empu.

“Kitai ulih mutarka penyala rama ti mai empas negatif nengah mayuh macham chara nyema semua raban ulih meri komitmen ti rat sereta bekerejasama,” ku iya maya Pengerami Nerima Pengabang Gawai Raya Kumpulan Rukun Tetangga (KRT) Petanak Jaya ditu malam kilah ensanus.

Nitih ku iya, entara isu ti nyadi pemerat iya iya nya penyalah gian dadah enggau bejudi chara 'online'.

Ku Royston madah, iya meda sereta beratika mayuh empas negatif ti bepun ari penyalah nya.

“Ukai semina nya aja, tu mega ulih nyadika kebuah penyalah rama ke bukai. Nya alai, tu patut diputarka ari renggat baruh dalam komuniti ,” ku iya.

Iya mega nambah, kelimpah nengah mayuh macham ejensi enggau penerit adat, komuniti kebendar nya ulih nyadi orang ti meri ripot ngagai raban ti bekaul.

“”Kes penyalah bansa tu ti nyadi pengirau komuniti di sitak Kunsil Nengeri (DUN) Tellian lalu sama mega nyadi siti ari pekara ti dikerandau dalam Aum DUN nyin tadi.

Royston madah, kelimpah ari penyalah nya ti ulih mai ngagai sekeda isu pemansang di sitak DUN Tellian.

“Entara nya guna baka pengawa ngaga dinding nyelihaka tanah tusur, pantai ti tusur, bekal ai, ngangkatmanah jalai alun, servis berubat enggau mayuh agi,” ku iya nerang.
 

Advertisement