Anda di sini

Ngemeranka digital dalam industri dagang temuai

Advertisement
Abdul Karim bejadi STB InTel dan plaftorm E-Pembelajaran nengah kerejasama enggau LVG di Kuching, kemari.Sama bisi dipeda dia, Hii (kiri) enggau Sharzede. - Gambar Chimon Upon
Abdul Karim bejadi STB InTel dan plaftorm E-Pembelajaran nengah kerejasama enggau LVG di Kuching, kemari.Sama bisi dipeda dia, Hii (kiri) enggau Sharzede. - Gambar Chimon Upon

KUCHING: Opis Dagang Temuai Sarawak (STB) kemari udah  bejadi STB InTel enggau platform E-Pembelajaran nengah kerejasama enggau Lotus Voyager Group (LVG), setipak enggau agenda transformasyen digital perintah Sarawak.

Menteri Dagang Temuai, Industri Kreatif enggau Mandangka Seni Dato Sri Abdul Karim Rahman Hamzah madah, platform nusun data nengah online nya siti ari pengawa ti majak dipejalaika STB ambika industri dagang temuai tau dipejalaika nengah digital.

Ku iya, inisiatif  nya deka ngemudahka opis menteri nya enggau raban orang ti bisi pemerat dalam industri dagang temuai, ngena data ti disediaka ejensi perintah enggau dagang temuai ti nyadi penambah ngagai analitik Google.

"Nya mega mantu beratika pengasi strategi dagang temuai, ngelala peluang baru sereta numbuhka inisiatif enggau perambu polisi ungkup jemah ila.  

"Platform bekunsika data baka STB InTel deka nentuka penyerakup entara mensia mayuh enggau sektor peribit nengah chara nempa sekeda strategi promosyen enggau ngelakuka produk ti udah dikelala," ku iya.

Iya bejaku munyi nya ba pengerami bejadi STB InTel enggau platform E-Pembelajaran begulai enggau LVG ba Begunan Baitulmakmur 2 ditu,kemari.

Sama bisi maya nya, Sekretari Mendam Opis Menteri Dagang Temuai, Industri Kreatif enggau Mandangka Seni Hii Chang Kee enggau Ketuai Pemesai Eksekutif STB Sharzede Datu Salleh Askor.

Ku Abdul Karim, nengah pengawa bejadi STB InTel nya, nya deka naydi siti agi komponen tulang belakang ngagai strategi dagang temuai digital Sarawak.

Bekaul enggau kerejasama begulai enggauLVG, madahka nya  platform belajar sereta rentayan ngagai raban 
profesional dalam industri dagang temuai kena ngelala palan ke ditapat enggau produk dagang temuai.

Ku iya, Sarawak negeri keterubah di Malaysia ke ngena Sistem Ngaduka Pelajar ba renggat nyendiaka servis dagang temuai  'Business to Business' (B2B), kena ngaul sereta bekerejasama enggau raban profesional di serata dunya.

Iya arap amat nya ulih ngerembaika peluang kena ngelakuka  Sarawak nyadi palan dagang temuai.

“Saya temegah ati laban Sarawak negeri keterubah ngena peluang tu ngaul diri sereta bekerejasama enggau profesional dagang temuai di serata dunya kena mantai sereta ngenataika ku iya.

Ku iya, pengudah ngelancharka modul nya ba pun bulan April, diatu bisi 1,346 operator dagang temuai udah ngerejista diri enggau dalam kus nya.  

“Kami melabaka lebih 10,000 ejen dagang temuai ke dipilih ambika dilatih nengah kus tu ba ujung taun 2022. 

“Program tu deka netapka 1,000 penguna baru ungkup kus tu ninting bulan nengah promosyen nyentuk ke India, makit Nordic enggau United Kingdom dalam beberapa bulan ke deka datai.

“Nyadi tampung kena matih peranak menua ditu ambika chukup sedia nyadi Duta Sarawak, utai ke dikunsika tu deka nyadi peluang ti manah kena kita ngelatih orang ke deka nyadi ejen dagang temuai antarabansa nengah 'Kursus Destinasi Sarawak' ti deka ngerembaika pengasi jengkau ngagai makit sereta nyadi sada Sarawak,” ku iya.

STB InTel tau diakses pengemeran dagang temuai dalam website rasmi STB ba www.sarawaktourism.com.

Advertisement