Anda di sini

SEB rugi lebih RM43 juta ketegal ulah enchuri elektrik

Advertisement

MIRI: Sarawak Energy Berhad (SEB) nanggung pengerugi lebih RM43 juta kenyau ari taun 2018 nyentuk ke pun taun tu ketegal ulah orang ti enchuri elekterik dikena ngelumbung mata duit kripto.

Pemangku Ketuai Opis Bomba enggau Penyah Penusah Malaysia (JBPM) Zon 6 Miri Komisioner Kanan Bomba II Ahmad Nizam Sapaiee madah, diatu kes begunan angus ketegal ngena bekal elekterik ke begunan ti ngelui ari pematut,majak suah nyadi.  

"Statistik SEB tetemuka kenyau ari taun 2021 bisi 11 kes penusah angus nyadi ti  bekaul enggau ngelumbung mata duit kripto di Sarawak, lalu 10 ari kes nya nyadi di Miri.

"JBPM majak irau ati enggau 'trend' penusah angus nya nyadi ti dipechaya siti ari kebuah ti nambahka lebih kuasa elekterik ke begunan ke bekaul enggau pengawa nyambung nya enggau chara belalai.

"Pengudah ngenukuka asil pansik opis bekuasa elekterik enggau utai ke ditemu ari SEB, pechaya perengka nya endang kena aktiviti ngelumbung mata duit kripto ba begunan," ku iya.

Iya madah munyi nya maya aum media begulai enggau SEB ti digulu pengari ari SEB Miri ba Opis JBPM Zon 6 Miri ditu, kemari.

Ahmad Nizam (kanan) mandangka  gambar ba palan nyadi penusah angus ke mega bisi tetemu injin kena ngelumbung mata duit kripto.
Ahmad Nizam (kanan) mandangka  gambar ba palan nyadi penusah angus ke mega bisi tetemu injin kena ngelumbung mata duit kripto.

Ku Ahmad Nizam, ari statistik penusah angus JBPM Zon 6 Miri beratika, baru empat bulan keterubah taun tum udah ngerikodka empat kes penusah angus ti bekaul enggau nyambung lekterik chara belalai kena aktiviti ngelumbung mata duit kripto.

"Dalam taun 2020, kes penusah angus semibna ngerikod siti kes, tang nambah ngagai enam kes dalam taun 2021 lalu dalam empat bulan keterubah taun tu udah ngerikod  empat kes.

"Kami irau ati penusah ke baka nya deka majak mayuh nyadi, nya alai kami deka neritka undang-undang begulai enggau SEB nyengkau opis bekuasa bukai kena mutarka penanggul tu," ku iya.

Berebak enggau nya, Ahmad Nizam minta mensia mayuh madah nyema bisi tetemuka orang nyambung lekterik enggau chara belalai tauka tau nyadi penusah angus ba begunan tau nganjung emel ngagai zon_miri@bomba.gov.my.

Sebarang sebana mega  tau dikenataika nengah lumur servis penguna Sarawak Energy ba lumur 1300-88-3111 tauka emel ngagai customercare@sarawakenergy.com.

Advertisement