Anda di sini

Bejuraika RUU maya baum DUN Sarawak ngemanah, ngemaruka undang-undang

Advertisement
Hasidah lebuh dikerandau raban pengarang berita kemari.
Hasidah lebuh dikerandau raban pengarang berita kemari.

KUCHING: Bejuraika Rang Undang-Undang (RUU) maya baum Kunsil Negeri (DUN) Sarawak ulih mantu ngemanah agi enggau ngemaruka undang-undang ti dikemeran sereta dipejalaika ba negeri tu.

Sapit Menteri ba Opis Premier Sarawak (Undang-Undang, MA63 enggau Kaul Negeri-Perintah Besai) Datuk Sharifah Hasidah Sayeed Aman Ghazali madah, nya alai dipelaba bisi RUU deka dipejuaraika maya baum Kunsil Negeri (DUN) Sarawak ke deka datai.

Aum Kedua Penggal Keterubah DUN Sarawak Ke-19 ditimpuhka baum berengkah 17 ngagai 26 Mei 2022, sereta aum tu dipenyadi Tuai Pemegai Menua Tun Pehin Sri Abdul Taib Mahmud kena 17 Mei.

“Naka ke diatu bedau bisi pemutus ditetapka (bekaul enggau RUU), tang selalu nya bisi (RUU dipejuraika) kena ngemanahka agi undang-undang kitai enggau nama undang-undang ke patut dikemaruka.

“Kitai bedau ngenukuka, tang engka bisi beberapa itu deka dibantaika. Kitai semina nganti maya aum Dun ke deka datai tu ila,” ku iya.

Iya ti mega Kaban Kunsil Negeri Samariang ditanya pekara tu nyerumba iya nyempulang 30 iku nembiak ari ruang bilik ke kurang penatai pemisi ngiga barang ke diguna maya Hari Raya Aidilfitri nengah Program Cahaya Priharin Aidilfitri SABERKAS 2022, ti diatur SABERKAS Pampang Samariang ba Palan Bebeli Barang Boulevard ditu, kemari.

Kelimpah ari nya Hasidah lebuh dipinta meri penerang pasal pekara pemadu baru bekaul enggau Sempekat Malaysia 1963 (MA63), iya madahka, semua bejalai enggau lanchar sereta agi ba renggat diperundingka Komiti Kereja.

“Agi dipejalaika sereta mayuh isu ti agi dikerandau ba renggat Komiti Kereja, tang semua nya bejalai enggau manah positif sereta kitai ulih meda bisi pemansang ti manah.

“Kitai deka nguji mutarka pekara tu (bekaul enggau MA63),” ku iya ti enggau meri penerang silik  seraya betundi enggau raban pengarang berita madahka, seharitu hari meli barang.
 

  • oleh
  • Advertisement