SIBU:Penyampau indeks pengawa salah ti dirikodka Indu Opis Polis Pelilih (IPD) Sibu sepemanjai taun 2021 nurun ngagai 217 kes.
Pemangku Kepala Polis Pelilih Sibu Superintenden Dr Collin Babat madah, taun siti nyin tadi IPD Sibu ngerikodka 590 kes enti dibandingka enggau 807 kes ba taun 2020.
Ku iya, bisi 359 keretas pansik udah dibuka Opis Mansik Pengawa Penyalah Komersial (JSJK) Sibu ba taun 2021 lalu sepenyampau 152 kes udah dituduh ba kort.
"Bi si 61 kes udah diputar lalu penyampau ke dituduh ba kort ngelui ari KPI ti ditetapka iya nya 130 peratus.
"Antara pemujur JSJK Sibu ba taun 2021 iya nya mutarka kes pinta palesu duit PERKESO," ku iya madah lebuh ke bejaku ba Pengerami Gempuru Ninting Bulan IPD Sibu, kemari.
Ku Collin, ungkup taun 2020, JSJK Sibu ngerikodka 286 keslalu ari penyampau nya bisi 172 kes udah dituduh ba kort.
Ku iya, trend nurun nya berindik ari asil kerejasama rat enggau gawa beraban bala pemesai enggau raban IPD Sibu nagang pengawa salah nyengkaum meri penyedar ngagai mensia mayuh tentang pemesai guna nyaga pengelikun mensia mayuh.
Iya pechaya pada dudi ila,mayuh agi pemar ke deka ditengah.
Nya alai iya minta kerejasam semua seksyen dalam tim nyati semampai tewgap ambika ulih meri servis ke pemadu manah sereta bekualiti ngagai mensia mayuh.
"Baka ke ditemu kitai,menua mengkang betapi enggau COVID-19 sereta agi dalam fasa Pelin Mulaika pemanah Menua (PPN), aku deka meri jaklu tangkan ambika semua nyaga pengerai diri empu sereta ngasika SOP ti uah ditetapka perintah.
"Kelimpah ari nya, pandangka mih disiplin diri ti tinggi,pemai diri ti manah lalu seliahka ari pengawa salah baka gian dadah, makai suap enggau judi 'online'," ku iya.