KUCHING: Kaban Parlimen Bintulu,Datuk Seri Tiong King Sing enda lantang ati enggau strategi Opis Menteri Pengerai Malaysia (KKM) diatu kena nagang penambah kes ba gelumbang Omicron, laban Malaysia diatu masuk taun ketiga ngelaban COVID-19.
Ku iya, dua iku bakih iya ti dichik positif COVID-19 semina diasuh kuarantin kediri sereta mega suah bechik kediri di rumah sereta nadai diberi gelang kena nyidi, semina dipinta madah ngagai opis pengerai enti sida majak raya.
"Tu baka ngelakka pesakit ti sah bepanggai ba gajet sida empu aja. Tu ke dipadahka strategi ti ngasi kena nagang pandemik? Nama penyadi enti pesakit nya enggai diau ba rumah (kuarantin kediri) tang mindah begulai enggau mensia mayuh?" pia ku iya madah nengah penerang berita kemari.
Tiong ke mega Kaban Kunsil Negeri Dudong madah, iya enda puas ati enggau chara KKM mutarka pandemik COVID-19 sereta madahka 31,696 iku ari 32 juta rakyat Malaysia parai ketegal penyakit kenyau ari taun 2020.
Ku iya, penyampau pemati nya mayuh, endang enda ulih dikeenggaika, bisi meri kebuah tauka nya utai ti normal.
"Ni kitai tau majak baka tu? Berapa mayuh agi nyawa deka parai sebedau bala menteri kitai endang amat deka nagang mayuh agi pemati?," tanya iya.
Iya mega ngenang pasal penerang Menteri Pengerai, Khairy Jamaluddin ti madahka Malaysia enda tau neritka baru atur nagang pemindah lalu strategi nadai bebatak asur ngansak KKM abis nadai, nitihka sekeda tagang pemindah ti dipejalaika di menua China kena ngurangka penyampau pemati ketegal COVID-19 di Malaysia.
Ku Tiong, Malaysia udah nengah mayuh bengkah siri tagang pemindah dalam kandang dua taun ke udah, tang kes COVID-19 mengkang nambah ti ngujungka mayuh opis menteri enda setuju enggau strategi Ketuai Direktor Opis Pengerai, Tan Sri Dr Noor Hisham Abdullah kena nagang rampit COVID-19.
Ngenang pasal timbal ke lubah perintah besai ba pandemik ti ngujungka Selangor ngerikodka penyampau kes COVID-19 tei pemadu mayuh ketegal ari kluster bai kilang sarung jari di negeri nya dalam taun 2020.
"Berapa mayuh rayat Selangor parai ketegal pengilap ke baka tu?Lebuh polisi kuarantin di rumah dipejalaika, berapa mayuh orang ke parai ketegal enda diperubat enggau chara enggau maya ke betul maya ke benung dikuarantin?" tanya iya baru.
Tiong mega ngansak KKM madahka penyampau vaksin ke dibeli kenyau penyampau ungkus enggau rega tetiap butul vaksin.