SIBU: Parti Bansa Dayak Sarawak (PBDS) Baru nyakal jaku tuduh ti dibantaika dalam media sosial bedau lama udah, ti madahka parti nya enda rinduka bansa bukai.
Ku Sekretari Besai PBDS Baru Julius Enchana (gambar), PBDS parti pupu bansa lalu parti politik ke pemadu inklusif di Malaysia, ngarika semua Dayak ke bisi urung 40 sub etnik di Sarawak.
Ku iya madah nyemetak, PBDS Baru endang senayau amat ukai sebuah parti ti enda rinduka bansa bukai.
“PBDS Baru parti Dayak,kami nadai enda rinduka bansa bukai. Sapa ti nadai enda rinduka bansa bukai? PBDS Baru parti bepelasarka bansa ukai parti nadai enda rinduka bansa bukai.
"Enti deka madahka PBDS Baru nadai enda rinduka bansa bukai, reti nya sida mega madahka orang Dayak nadai enda rinduka bansa bukai,” ku Julius madah ba sebengkah penerang ditu, kemari.
Ku Julius, bisi sekeda orang enggau parti politik mempunyai tanggapan salah dan menyifatkan PBDS Baru sebagai parti enda rinduka bansa bukai laban ti enda mansik demografi etnik Sarawak enggau peranak asal Sarawak dalam Konstitusyen Perintah Besai.
Kelimpah ari nya, iya mega nyemetak madahka PBDS Baru n adai ngengggaika pemansang tang enda setuju enggau 'politik pemansang'.
Orang Dayak tebal agi diau di menua pesisir ku iya, bedau sedia enggau industrialisasyen.
"Kebuah pia laban ti enda chukup penerang bekaul enggau pemansang ti ditemu sida ketegal kurang akses Internet di menua pesisir.
"Kelimpah ari nya, tikas pelajar enggau literasi dalam Teknologi Pemadah enggau Komunikasyen (ICT) mega nyadi ke batang pun raban bansa kami kurang ulih besemekih dalam pemansang teknologi,kereja ti patut , peluang dagang, akses pelajar enggau aktiviti politik," ku iya.
Nya alai ba penemu Julius, endang patut amat perintah Gabungan Parti Sarawak (GPS) mansik sereta ngena chara kualitatif dikena mansik baru topik ti dikerindu ari pemadah ti tau dipechaya nyengkaum ngena 'Pembangunan Lestari Pendidikan' (ESD) nyadi kereja teori dikena nambahka analisis enggau randau.
“Dalam pekara tu pansik beguna amat kena nyidi penanggul sereta perambu kena mutar ari perspektif pemansang modal mensia ungkup Dayak di Sarawak,” ku iya.