Anda di sini

Kuching ditukuka nyadi UCCN, ulih mantu Sarawak nyapai status bepenatai pemisi tinggi

Advertisement
 Abang Johari bejadika projek Ngemansangka Baru Pegung Nyemerai nyadi 'Taman Tema Air dan Pusat Projek Gastronomi Bandar Kreatif UNESCO' di Kuching kena malam Hari Enam. - Gambar oleh Roystein Emmor
PEMANSANG: Abang Johari bejadika projek Ngemansangka Baru Pegung Nyemerai nyadi 'Taman Tema Air dan Pusat Projek Gastronomi Bandar Kreatif UNESCO' di Kuching kena malam Hari Enam. - Gambar oleh Roystein Emmor

KUCHING: Pengawa ngenukuka mengeri Kuching dalam Rangkaian Bandar Kreatif UNESCO (UCCN) dipeda ulih mantu Sarawak nyapai status bepenatai pemisi tinggi nengah ekonomi kreatif.

Kepala menteri Datuk Patinggi Tan Sri Abanng Johari Tun Openg madah, nyadi kaban UCCN tu deka ngenyukupka pengawa pemansang pemun ke endang udah bisi di nengeri tu.

"Tu deka nyukung juluk kitai ti deka mansang ngagai pengawa digital enggau inovasyen dalam bidang gastronomi enggau pengawa kreatif ke bukai.

"Sekalika dalam kraf, seni, pengawa ngaga filem, televisyen, muzik tauka main asal, komuniti kratif kitai deka terus ngaynka pengelandik enggau runding kreatif sida. 

Ekonomi kreatif iya nya siti jalai enggau nyungkak ti pemadu engkeman lebuh kitai mansang baru pengudah betapi enggau pandemik COVID-19," ku iya.

Iya madah munyi nya lebuh ti bejaku ba pengerami ngemunka Projek Pemansang Baru Pegung Nyemerai Majlis Bandaraya Kuching Selatan (MBKS) nyadi 'Taman Tema Air dan Pusat Projek Gastronomi Bandar Kreatif UNESCO' di Jalai Padungan ditu, kena malam Hari Enam tu tadi.

Kena bulan November nyin tadi, mengeri Kuching udah dirintai nyadi mengeri ti keterubah di Malaysia ke deka nyereta 48 mengeru bukai di selampur dunya nyadi Mengeri Gastronomi Kreatif UNESCO ari baruh UCCN ungkup dijadika pesaka enggau mayuh macham pemakai.

Beserimbai enggau tu, Abang Johari madah, perintah nengeri benung bejalaika pengawa ngemaruka mengeri ungkup tuju ngemansangka baru sekeda kandang mengeri enggau pasar di nengeri tu.

Ambika chunto, ku iya, Padungan iya nya sebagi ari kandang mengeri pesaka Kuching.

"Nya alai, raban ti bekuasa tauka perintah Sarawak nengah program ngemaruka mengeri patut ngangkatmanah perengkaguna ditu ti enda ngeruga pemisi pesaka. Tu mih ti dikangau kitai siti pemansang ti meruan.

"Pia mega bedau lama ti udah, aku udah diberi licha bekaul projek tu (pemansang baru pegung nyemerai MBKS) ke dipelin enggau meruan lalu tu iya nya gempung main asal sereta chara idup dalam komuniti di Kuching," ku iya.

Berindik ari nya, iya meri besai pengaga ati ngagai Datuk Bandar MBKD, Dato Wee Hong Seng enggau raban iya ba buah runding ke baru kena ngemanahka pegung nyemerai sereta sektor betanam betupi di mengeri tu.

"Nyema Singapura, dikangau prang 'vertical farming' lalu tu iya nya sebansa pengawa betanam betupi unjur.

"Teknik betanam tu iya nya dalam begunan. Nya alai, kitai sama mansang enggau Singapura diatu," ku iya seraya madahka pemujur Sarawak jemah ila chukup manah ari sukut dagang temuai.

"Ari baruh Strategi Pemansang Pengudah COVID-19 (PCDS) 2030, kitai ngembuan mayuh projek ari baruh Opis Menteri Dagang Temuai, Seni enggau Main Asal sereta enggau bantu perintah besai, kitai deka ngubah semua infrastruktur pemun kena narit temuai ngagai Sarawak," ku iya nambah.

Berindik ari nya, ku Wee madah, pengerami tu kelai keterubah ngangkatka mengeri besai Kuching ke tikas ti baru.

Taja sukut tradisional di mengeri tu mesti dijaga enggau diintu, ku iya, tu mega maya ti engkeman ngangkatmanah.

"Enggau Kuching ditukuka nyadi UCCN Projek tu deka nyadi seput ngagai program ngemaruka mengeri lalu ulih ngerichahka baru mengeri tu," ku iya.

Advertisement