Anda di sini

JTS bebulaka penerang pengerami di Bintulu ti dikerembaika ba media rama

Advertisement
 

KUCHING: Opis Tanah enggau Survei (JTS) enda lantang ati ngagai tuduh enda betul ke ulih meri penyaru ngagai rayat Sarawak bekaul enggau sebengkah pengerami di Bintulu pun bulan tu tadi.

JTS nengah penerang berita madahka penerang begambar ti dikerembai ba media rama nya enda relevan.

Bepelasarka gambar ke dikerembai, bekaul enggau Pengerami Nyuaka Surat Pala Tanah Seksyen 13 enggau 18 Kanun Tanah Negeri (KTN) ti diatur ba Hotel Parkcity Everly, Bintulu kena 1 Disember 2021, ti disua Sapit Kepala Menteri ke nyadi Menteri Pemansang Mengeri enggau Pengeraja Asal II Datuk Amar Awang Tengah Ali Hasan.

"JTS enda lantang ati ngagai penerang ti dikerembaika nya laban tu endang enda relevan.

"Penerang ti baka nya ulih meri penyaru enggau mai ati enda lantang ngagai rayat Sarawak ti mayuh pupu bansa.

"Ba pengerami nya bisi 358 surat pala tanah ari baruh Seksyen 13 enggau Seksyen 18 KTN udah disua ti nyengkaum 320 tauka 89.4 peratus surat pala tanah komuniti Iban enggau 38 tauka 10.6 peratus surat pala tanah komuniti Melayu/Melanau enggau Penan Islam,"ku JTS nerangka nama pekara ke nyadi.

Nitih ku JTS surat pala tanah nya nyengkaum surat pala tanah ari baruh Seksyen 18 KTN ari baruh Fasa 2 Inisiatif Baharu NR ungkup kandang menua Sg. Annap, Tatau; Sg. Kelawit, Tatau; Sg. Selitut-Separai, Tatau enggau Kuala Tatau, Tatau.

Nambah nya, surat pala tanah ari baruh Seksyen 13 KTN kandang menua iya nya bekau kandang endur ngaduka Jalai Bintulu-Miri.

  • oleh
  • Advertisement