Anda di sini

Beri sukung penuh ngagai Dennis: Awang Tengah

Advertisement
 Awang Tengah (tiga kiba) nerima tepa, iya nya sape ari Dennis seraya dikemataka Anyi (dua kanan), Asfia (tengah) enggau bala bukai.
KE PENGINGAT: Awang Tengah (tiga kiba) nerima tepa, iya nya sape ari Dennis seraya dikemataka Anyi (dua kanan), Asfia (tengah) enggau bala bukai.

LONG LAMA: Pengundi ba sitak Telang Usan dipinta meri sukung penuh ngagai chalun Dennis Ngau, ambika iya ulih menang enggau majoriti ke besai ba Pengawa Bepilih Nengeri Sarawak Ke-12 (PRN12).

Sapit Presiden Parti Pesaka Bumiputera Bersatu (PBB) Datuk Amar Awang Tengah Ali Hasan madah, Dennis udah mandangka iya siku pengari rayat ti rajin ngabas  rayat sereta komited, tang enda bulih majoriti undi ke besai ba pengawa bepilih nengeri ke sebedau tu.

gKenyau ari iya nyadi pengari rayat Telang Usan, iya suah ngabas rayat sereta beratka utai diguna rayat ba sitak iya.

"Aku berasai sinu ati laban iya bagas gawa tang enda  menang enggau majoriti ke besai.

gAku ngarapka pengundi ke sekali tu meri sukung penuh ngagai iya.

"Seliahka isu diri empu ti tau ngeruga penyerakup enggau pengawa ngemujurka pemansang ba sitak tu, ku iya lebuh bejaku bejadi program 'Kongsi Fakta Daerah Telang Usan' ba Dewan Sekula China (SJKC) Kee Tee di Long Lama, kemari.

Ku Awang Tengah baru, PRN12 iya nya pengawa bepilih ke beguna amat laban nya deka nentu sekalika rayat agi dekaka perintah ti likun sereta tegap.

Ku iya, rayat patut bersukur laban embing Gabungan Parti Sarawak (GPS) nyata efisyen sereta ulih fokus ngemansangka Sarawak.

gGPS mega parti ti nyaga pekara ti dikemeratka semua bansa enggau jalai pengarap.

"Kami nyaga penau milih jalai pengarap ti dikedekaka lalu   enggau naka ulih nyaga pengelantang pendiau rayat.

" Tu parti mih parti ti nyaga menua jemah ila lalu kitai dekaka perintah ti tegap,h ku iya.

Bekaul enggau pemansang di Telang Usan, iya madah naka ke diatu perintah udah ngungkupka urung  RM900 juta dalam kandang tiga taun kena melanja pengawa ngaga jalai enggau nyambung bekal ai ngagai beberapa buah genturung pendiau.

Kelimpah ari nya ku iya, perambu ngaga loji meresi ai nengah Ejensi Pemansang Tanah Tinggi (HDA) enggau O pis Mekal Ai Menua Pesisir(JBALB).

Tambah iya, rayat mega mesti ngenanka penegap politik enggau penyerakup kena nentuka juluk ati Sarawak nyadi nengeri maju ba taun 2030.

Dulu ari nya, Kaban Parlimen Baram Anyi Ngau madah, sitak Baram agi begunaka mayuh pemansang infrastruktur baka jalai alun, ai enggau elekterik.

gKena mai Baram terus nyingkang ke mua,kitai begunaka pelasar ti kering sereta teguh, iya nya GPS.

"Ketetiga sitak Mulu, Marudi enggau Telang Usan begunaka pelasar ke betul ambika Baram enda tinggal tang terus maju baka sitak bukai, ku iya.

Ba PRN11, Dennis menang mimit enggau majoriti 167 undi ngalahka chalun Roland Engan ari Parti Keadilan Rakyat (PKR).

Sama bisi ngulu pengerami nya, Chairman Mendam PBB Tan Sri Mohd Asfia Awang Nasar, bini Awang Tengah Datuk Dayang Morliah Awang Daud, Direktor Unit Komunikasyen Perintah Sarawak (Ukas) Samat Junai enggau Dennis ke mega Chairman PBB Telang Usan.

Advertisement