Anda di sini

PRN12 Sarawak platform kena PBB matih chalun baru

Advertisement
Uggah enggau Kaban Parlimen Betong begambar enggau chairman Spaoh Government Pensioners' Association Hazmi Jahan.
Uggah enggau Kaban Parlimen Betong begambar enggau chairman Spaoh Government Pensioners' Association Hazmi Jahan.

SPAOH: Pengawa Bepilih Nengeri Ke-12 (PRN12) Sarawak nyadi palan sereta proses ke beguna amat ngagai Parti Pesaka Bumiputera Bersatu (PBB) matih chalun orang baru.

Sapit Presiden parti nya, Datuk Amar Douglas Uggah Embas madah, nya kebuah parti ngambi lapan iku orang baru ba Pengawa Bepilih Nengeri Ke-12 (PRN 12) tu.

"Ambika PBB terus nyadi tulang belakang perintah Gabungan Parti Sarawak (GPS), kitai mesti nempa ketuai ungkup pagila. Maya ketuai nyurut diri, siku agi mesti nurun ngisi penuduk tu.

"Nyadi PBB deka majak ngerembai sereta terus meri servis ti manah ngagai rayat.

"Ba era baru, nuan nengah pekara ti ditegika bebida. Ba tetiap era deka bisi isu bebidalalu ba era baru kitai betapi enggau pemar ti bebida," ku iya.

Uggah madahka pekara tu ngagai raban pengarang berita pengudah betemu enggau Spaoh Government Pensioners' Association ba palan servis tu kemari.

Bejaku baru, Uggah madahka baka diatu menua benung betapi enggau pandemik cOVID-19 ti enda kala nyadi sebedau tu.

Tu pekara ti enda kala diasaika tetiap iku kitai sebedau tu, ku Uggah.

"Nya alai kitai patut ngaduka tu lalu peneleba tu amat beguna," ku iya.

Ngenang peneleba iya empu, Uggah madahka iya udah dalam dunya politik kenyau ari taun 1986, udah mangku pengawa dalam kabinet perintah besai.

Maya pulai ke Sarawak, dichiri nyadi sapit kepala menteri kelimpah ari mangku pengawa bukai nyengkaum chairman Komiti Mutarka Penusah Ngenyit Nengeri Sarawak, ku iya.

"Peneleba ke diulih aku tu berega amat. Nyadi sebagi ari megai nengeri ukai pekara ti mudah kelebih agi lebuh napi pandemik tu (OVID-19).

"Nya alai nempa ketuai sebagi ari ari pekara ti dipajakka, lalu beguna amat dalam PBB," ku iya.

Bekaul enggau penyampau chalun ti minta pilih ba PRN 12, Uggah ti mega Direktor PRN GPS madahk, nya ngayanka demokrasi di nengeri tu.

"Kitai chukup ngelalu ke pekara tu lalu tu amat narit ati. Ambika chunto di Dudong bisi lapan lalu di Bukin Saban aku besatup enggau dua iku," ku iya.

Bekaul enggau SOP, sekeda DUN ulih endur ngatur licha tang patut belalauka SOP, lalu Bukit Saban siti ari nya taja pan bisi bungkur internet ke manah, tang bisi kandang endur nadai bungkur internet, ku iya.

"Terima kasih ngagai Komiti laban ngemendarka kami ngatur licha , tang maya licha tu ukai baka ke ngelama tu, iya nya enda lebih 150 iku aja dikemendar ngulu sereta enda tau ngelui ari pukul 10 malam.

"Kami deka nitihka atur tu kena nyaga pengerai semua," ku iya.
 

  • oleh
  • Advertisement