Anda di sini

KPKT merambu numbuhka POE kena mantu bekaul isu pengawa berumah

Advertisement
 

KOTA SAMARAHAN: Opis Menteri Pengawa Berumah enggau Kaunsil Kandang Menua (KPKT) deka mai perambu numbuhka Panel of Expert (POE) kena mantu enggau meri lalau ngagai opis menteri bekaul enggau isu pengawa berumah.

Menteri iya, Datuk Seri Reezal Merican Naina Merican (gambar) madahka nya amat beguna ba KPKT nengah bank negara mansik modal pemadu manah ungkup orang biak ngembuan rumah  keterubah sida.

"Panel tu nyengkaum pengari ari Bank Negara, Bank Dunia, Institut Penyelidikan Khazanah, pemaju Pengawa berumah enggau orang gawa opis perintah(penjawat awam) bepangkat tinggi.

"Aum keterubah deka diatur ba bulan Januari 2022," ku iya maya aum pengarang berita Pengerami Nyuaka Kunchi pOAM di ike Village ditu, kemari.

Sama bisi datai, Menteri Kaunsil Kandang Menua enggau Pengawa Berumah Dato Sri Dr Sim Kui Hian.

Terang Reezal Merican, taja pia siti ari penanggul ti ditapi naka ke diatu iya nya Pusat Sistem Maklumat Rujukan Kredit (CCRIS). 

Tang ari segi penilaian ku iya, diatu udah bisi bank berengkah bejalaika migrasi ari analisis konvensional kena mansik penyata CCRIS, nisbah utang enggau ke bukai ngagai analisis psikometrik, ku iya.

Bejaku baru iya madahka nengah chara nya perintah ulih ngelala bakani gaya orang ngena belanja, seraya ulih menjamin penegap duit sereta enda ibuh bepanggai ngagai slip gaji.

Kelimpah ari nya, iya nerangka KPKT mega bisi nyendiaka mayuh inisiatif kena nentuka rayat ulih ngembuan rumah.

"Tu nyengkaum ngaga Perumahan Penjawat Awam Malaysia (PPAM) ti semina ulih dibeli pemeli rumah keterubah," ku iya.
 

Advertisement