KUCHING: Agriculture Community Outreach Programme (AgriCOP) ti ngelaku sereta meri kelala 'Pertanian adalah Perniagaan' muka peluang ekonomi ngagai peranak di kandang menua ulu.
Menteri Muda Pengelantang Pendiau Raban Bansa Datuk Francis Harden Hollis (gambar) beterima kasih ngagai Opis Betanam Betupi ba Bagi Menua Sri Aman ti chukup bebendar neruska AgriCOP iya nya ti ketujuh kali udah diatur di Sri Aman.
Iya munyi Opis Betanam Betupi Bagi Menua Sri Aman ti ngemwranka konsep tueun padang nerangka ngagai rayat bekaul enggau oengawa ke ulih ngangkatka tikas pengidup nengah betanam betupi ti ulih nambahka ekonomi.
"Aku beterima kasih ngagai Opis Betanam Betupi BagiEnua Sri aman laban udah bejalaika inisiatif nukar chara ari muka ladang besai ngena nyendiaka tambak rian Musang king ngagai tiap pintu ke bisi pengerindu deka nanam rian tu.
"Rian Musang King berega tinggi ba dagang, ulih ngeluarka asil entara 5 ngagai 7 taun. Enti tumbuh enggau manah, kandang menua Sungai Tenggak Menalang enggau Ulu Undop ulih ngeluarka rian bekualiti tinggi enggau dibekal kena ngisi palan ngumpul buah," ku iya.
Penyandang DUN Simanggang tu mansutka pekara tu lebuh bejaku bekadi pengawa nutup program AgriCOP ti diatur ba Rh Empol, Sungai Tenggak C, Undop, Sri Aman apin lama.
Bisi 150 iku pesereta ari 12 buah rumah panjai ti masuk program tu, ti disedia modal program iya nya penerang chara nanam enggau nyaga rian Musang King,peneranag nanam sayur ngena chara moden 'Internet of Things (IOT), penerang ari Opis Veterinar Bagi menua Sri Aman enggau penerang pasal inisiatif perintah nengah JKMB Sri Aman.
Nyerumba program tu Harden bisi nyuaka MRP ngagai enam buah runah panjai enggau Biro Orang Indu.
Kelimpah ari nya bisi 815 paung rian Musang King diberi ngagai 163 pintu ari 12 buah rumah panjai di kandang menua Sungai Tenggak enggau Menalang, Undop, ti deka ditanam ngena chara kediri ke tiap ruang bilik. Tiap pintu ruang bilik deka nerima 5 paung rian Musang King.
Sama bisi ngulu program tu Sapit Residen Bagi Menua Sri Aman Elvis Didit, pengari oemesai Opis Betanam Betuli Bagi Menua Ari Aman Jabu Saging enggau sida ke bukai.