Anda di sini

SPR: Hari ngundi ditetapka kena 18 Disember 2021

Advertisement
 

KUCHING: Opis Pengawa Bepilih Malaysia (SPR) Malaysia netapka hari bulan ngantung nama chalun Pengawa Bepilih Nengeri Ke-12 (PRN12) Sarawak kena 6 Disember 2021, lalu hari bulan ngundi iya nya 18 Disember 2021.

Pekara tu dipadahka Chairman SPR, Datuk Abdul Ghani Salleh (gambar) ba aum pengarang berita kemari ti diatur ba sebuah hotel ditu.

Dulu ari nya, SPR ngatur Aum Khas sereta ngaga pemutus ke PRN Sarawak Ke12 patut diatur kena ngisi 82 sitak DUN berindik ari DUN Sarawak Ke-11 udah direrak kena 3 November 2021.

“Hari bulan PRN DUN Sarawak ke-12 iya nya, hari bulan writ pengawa bepilih kena 24 November 2021(Hari Tiga), hari bulan ngantung nama chalun kena 6 Disember 2021 (Hari Satu), hari bulan ngundi tumu 14 Disembar 2021 (Hari Dua), hari bulan ngundi iya nya kena18 Disember 2021 (Hari Enam),” ku iya kemari.

Timpuh kimpin PRN Sarawak Ke-12 ditetapka 12 hari pengudah netapka chalun ti bediri minta pilih kena 6 Disember 2021 (Hari Satu) nyentuk pukul 11.59 malam,17 Disember 2021 (Hari Lima).

Sarawak bisi 82 Kunsil Nengeri (DUN).

“Bisi 82 iku Pemesai Menijar pengawa bepilih dichiri, dibantu 249 iku Penulung Pemesai Menijar. SPR mega numbuhka 155 Tim Penerit Adat Kimpin Pengawa Bepilih (PP-KPR) ti bejalaika pengawa matau ti diarika Polis Diraja Malaysia (PDRM), Opis Bekuasa Kandang Menua enggau pengari chalun ke minta pilih,” ku iya.

Bisi 82 Palan Ngantung Nama Chalun (PPC) enggau 82 Palan Ngitung Rasmi Undi (PPRU) deka dikena.

Bisi 46,565 iku pengereja pengawa deka dichiri bejalaika proses PRN DUN Sarawak Ke-12, lalu bisi 1,866 buah palan alai muai undi ti mungkur 3,555 alai ngundi enggau 85 iti palan ngundi tumu ke bisi 111 iti endur muai undi.

“PRN DUN Sarawak ke12 tu dianggar begunaka ungkup belanja RM150 juta,” ku iya.

Semua 346 iti palan ngundi maya Hari muai undi deka dibuka ari pukul 7.30 pagi nyentuk 5 lemai,lalu laluh 1,520 palan ngundi dibuka nitihka timpuh ti udah digazet.

Maya pengawa ngundi tumu bisi 11 buah palan ngundi deka dibuka ari pukul 8 pagi ngagai 2 ngalih hari, 20 buah palan ngundi ari pukul 8 pagi ngagai 2 lngalih hari enggau 54 buah palan ngundi tumu deka dibuka ari pukul 8 pagi nyentuk pukul 5 lemai.

Nitihka Seksyen 3(3) Ordinan Emerjensi (Kuasa-Kuasa Perlu) (Sarawak) 2021, Kunsil Nengeri Sarawak patut direrak sama hari bulan enggau Proklamasi Emerjensi (Sarawak) dikinsil
Seksyen 3(4) Ordinan ti sama dekaka pengawa bepilih diatur dalam timpuh 60 hari ari hari bulan Proklamasi Emerjensi (Sarawak) dikinsil.

Sebedau Perintah Emerjensi di serata menua abis timpuh kena 11 Januari taun tu tadi, Yang di-Pertuan Agong netapka Proklamasi Emerjensi ungkup Sarawak berengkah 2 Ogos tu tadi nyentuk 2 Februari taun baru berindik ari pengerai mensia mayuh dikeruga pandemik COVID-19.

Berindik ari pekara tu, PRN 12 ke patut iya diatur pengudah timpuh DUN Sarawak abis kena 7 Jun taun tu tadi, dilanjar ngagai hari bulan bukai pengudah Proklamasi Emerjensi nya diketuka.

  • oleh
  • Advertisement