Anda di sini

Teknologi, digital polisi ti beguna kena nyapai status nengeri mansang

Advertisement
Len bejadika T&T Mini Lab 2021 ungkup SK Agama Sarikei ba Balai Mayuh Guna Kampung Baru Seberang Sarikei.
Len bejadika T&T Mini Lab 2021 ungkup SK Agama Sarikei ba Balai Mayuh Guna Kampung Baru Seberang Sarikei.

SARIKEI: Pemansang teknologi enggau digital iya nya polisi ti endang beguna nyema Sarawak deka nyapai status nengeri mansang datai ba taun 2030.

Menteri Muda Perambu Mengeri, Pengawa Ngatur Tanah enggau Rampa Menua Datu Len Talif Salleh madah, polisi tu udah lama dikemeranka di sekeda menua mansang  baka China, Amerika Syarikat enggau Jepun.

“Di menua nya, nyema dipeda sida endang ngemeratka pemansang teknologi enggau digital dalam sektor ti berat.

“Ungkup menua nya, chara tu endang beguna dalam nentuka ekonomi menua terus tegap sereta ulih besemekih kelimpah ulih ngena enggau optimum untung nengah pemansang teknologi diatu,” ku iya.

Iya madah munyi nya ba Pengerami Bejadika T&T Mini Lab 2021 ungkup Sekula Primari (SK) Agama SArikei ba Balai Mayuhguna Kampung Baru Seberang Sarikei, bedau lama ti udah.

Program Think & Tinker (T&T) Mini Lab iya nya siti sukut ungkup bala nembiak berunding, konseptual, nengkebang tauka beinovasyen kena nentuka buah runding nyadi nyata.

Len ti mega Chairman Tabung EKonomio Gagasan Anak Sarawak (TEGAS) madah, ‘Think’ reti nya berunding lalu ‘Tinker’ iya nya ngemanah tauka ngangkatmanah sekeda pekara.

“Nengah program tu, nya deka nentuka bala nembiak ulih mantaika pengelandik sida dalam bidang inovasyen digital sereta teknologi.

“Enggau pemisi T&T Mini Lab tu, nya alai profesional industry kitai mega ulih bekunsi penemu sereta pengelandik sida bekaul teknologi enggau digital begulai enggau bala nembiak, pengajar sereta komuniti di menua tu enggau efektif lalu ulih ngadaka nembiak tin emu bekaul inovasyen digital sereta teknologi,” ku Len nyemetak.

Nitih ku iya agi, dalam nentuka misyen deka ngadaka raban nembiak rebak baru ti ngembuan penemu runding ti tinggi sereta ulih nguasa bidang teknologi, semua raban patut bebendar begulai sereta meri sukung ti rat ngagai program tu.

Ku iya, semua raban patut nyikap bala nembiak enggau literasyen digital sereta teknologi berengkah atri pun di renggat sekula agi dalam nentuka sida sedia enggau Revolusyen Industri 4.0.

“Pekara tu mega setipak enggau juluk perintah Sarawak ti deka nyadika rayat Sarawak tu nemu bekaul digital sereta teknologi dalam nentuka agenda ekonomi digital ti nyadi pun penatai pemisi ke baru di nengeri tu ulih nyadi nyata.

“Kitai pechaya sereta nemu enggau pemisi T&T Mini Lab tu, nya alai kitai ulih ngadaka mayuh nembiak di nengeri tu ti ngembuan runding ti kreatif, inovatif sereta inventif.

“Nengah program tu, semua nembiak ti bekaul deka dipadahka enggau pengelandik ‘programming’ sereta ‘coding’,” ku ku Len nambah.
 

Advertisement