Anda di sini

Peranak menua pesisir diperansang nanam kayu Paulownia

Advertisement
Abang Johari meda kayu Paulownia ke ditanam TSG Sdn Bhd di Kota Samarahan kemari.
Abang Johari meda kayu Paulownia ke ditanam TSG Sdn Bhd di Kota Samarahan kemari.

KUCHING: Peranak menua pesisir nengeri tu diperansang nguji nanam kayu RT-Paulownia varian Paulownia iya nya purih kayu menua tu, ti tau jampat besai.

Kepala Menteri Datuk Patinggi Tan Sri Abang Johari Tun Openg madah,nanam kayu tu setipak enggau polisi ari baruh strategi ekonomi pengudah COVID-19 ti bekaul enggau sektor ulih ngenanka rampa menua.

Ku iya ari sukut pemansang, kayu tu tau ditebang ba taun keempat enggau kelima lalu udah nya ulih tumbuh baru.

Ungkup industri,kayu baka Paulownia tu chukup setipak sereta dipeda amat ulih jampat besai ba tanah kitai lalu dalam timpuh ti sama ngena sekeda teknologi kelimpah ari dibaja, kayu tu deka besai enggau manah ba tanah kitai, ku iya.

"Bisi pemanah (nanam kayu

Paulownia), keterubah,ulih tumbuh enggau jampat sereta ulih ditanam ba tanah kampung kitai.

"Kedua, ulih nginsap karbon dioksida enggau mayuh laban daun iya ti besai.

"Ketiga, mayuh produk tau digaga ari kayu tu baka kena ngaga perabot, ngaga rumah lalu daun tau nyadi pemakai jelu ti setipak enggau pengeran kitai deka ngemansangka sektor betanam betupi," ku iya.

Abang Johari mansutka pekara tu ba aum pengarang berita pengudah bejadi TSG Green's Paulownia Titanium Tower ditu kemari.

Dulu ari nya,iya dibai ngabas pun kayu Paulownia ke ditanam ba TSG Green Sdn Nursery di Kota Samarahan.

Berebak enggu tu, Abang Johari madahka daun Paulownia ukai semina tau nyadi pemakai jelu tang mega tau nyadi baja organik.

"Aku ngasaika enggau logik, daun tu enti dikerat tau nyadi baja organik lalu baja orgaik tu manah kena maja utai tanam kelimpah ari ke ulih nyadi pemakai jelu, mayuh penguntung.

"Aku mega ngarapka orang di menua pesisir mega nanam kayu tu," ku iya seraya meri puji ngagai TSG Green ke udah nyerungkai teknologi baru enggau chara baru bekaul enggau nanam kayu.

Sama bisi datai ba pengerami tu, Menteri Muda Pemansang Kandang Menua enggau Pengeraja Asal Datu

Len Talif Salleh, Direkrtor Opis Kampung Sarawak Datu Hamden Mohammad, Penengkebang ke mega

Chairman Eksekutif TSG Green Sdb Bhd, Dato Chris Chung enggau sida ke bukai.

Advertisement