Anda di sini

PKR nadai peluang menang ba barang bagi kerusi maya PRN12

Advertisement
 

KUCHING: Parti Keadilan Rakyat (PKR) nadai peluang menang ba barang bagi kerusi maya Pengawa Bepilih Nengeri Ke-12 (PRN12) Sarawak.

Mandal Presiden Parti Pesaka Bumiputera Bersatu (PBB) Dato Sri Abdul Karim Rahman Hamzah madah, tu ukai keterubah   PKR madahka juluk ati ulih menang ba sekeda kerusi dalam PRN.

“Taja pan sida engka deka bediri minta pilih ba lebih 40 kerusi baka maya pengawa bepilih ke sebedau tu, tang semina menang ba siti tauka dua kerusi.

“Ukai  aku deka sumbung tang enggau gaya PKR ke diatu sereta gaya iring ketuai di Sarawak, sida enda ulih menang ba barang bagi kerusi maya PRN12,” ku iya.

Iya  madah munyi nya ba aum media Pengerami Ngelancharka Asia’s Sarawak 360 Experience: Stories from The Heart ditu ensana. 

Enggau gaya Dengan PKRke diatu (tugil), Abdul Karim ke mega penyandang Kunsil Nengeri (DUN) Asajaya madah, GPS mudah menang ba PRN.

“Saya arap amat GPS deka menang besai, abis nadai dua petiga tauka empat pelima majoriti. Aku arap amat,” ku iya n yemetak.

Bekaul engagu berita selebubu ti  madahka bisi chalun Kepala Menteri ari PKR deka bediri minta pilih ba kerusi Asajaya, Abdul Karim madahka iya baru dipadahka pasal  pekara nya. 

“Taja pia nitihka pemadah ti ditemu aku, bisi tiga chalun ari PKR, ukai siku,” ku iya. 

Maya tu ku iya, ketetiga chalun ari parti ke sama di Asajaya, nguji ngelakuka diri bediri minta pilih din.

“Aku enda nemu nama kebuah Asajaya beguna amat ba sida. Enti baka tu, aku saya ngelaluka barang naka pemayuh chalun ti deka bediri minta pilih din, awakka baka bisi begawai di Asajaya,” ku iya.

Ku Abdul Karim, iya rindu ati enti besatup penyuru lalu pechaya Opis Pengawa Bepilih (SPR) pan sama rinduka nya. 

“Mayuh disatup nya bisi pemanah ngagai perintah” ku iya.

Berebak enggau nya, lebuh ditanya sekalika Parti Sarawak Bersatu (PSB) deka meri pemar ngagai GPS maya PRN, Abdul Karim madahka Malaysia ngemeranka demokrasi beparlimen lalu sesapa saja tau bediri minta pilih maya pengawa bepilih. 
 

Advertisement