Anda di sini

Sarawak komited deka meda pemujur program vaksinasyen COVID-19

Advertisement
 Uggah (tiga kanan) begulai enggau (ari kiba bediri) Aniela, Willie, Henry lalu Miro (dua kanan) ti nyempulang iya ke bansal di PPV Bau kemari.
NGELAWA: Uggah (tiga kanan) begulai enggau (ari kiba bediri) Aniela, Willie, Henry lalu Miro (dua kanan) ti nyempulang iya ke bansal di PPV Bau kemari.

KUCHING: Sarawak komited dalam nentuka pemujur pengujung Program Vaksinasyen COVID-19 ku Sapit Kepala Menteri Datuk Amar Douglas Uggah.

Iya nengah penerang madahka bisi seraka tang cukup optimis juluk deka nuchuk vaksin ngagai 2.2 juta rayat Sarawak ke tau ulih dipejalaika sebedau pengujung bulan Ogos tu.

“Mayuh Palan Betuchuk Vaksin (PPV) digaga ba palan mensia mayuh, sepital perintah enggau klinik, kandang endur industri, sepital enggau klinik peribit di selampur nengeri.

“Kitai bisi raban mobiliti ti ngagai kandang menua pesisir enggau menua ulu kelimpah dibantu ari Raban Soldadu Malaysia (ATM).

Semua pengawa nuchuk vaksin tu nerima sukung sereta komitmen enggau pengeransing raban terabai menuaari Opis Pengerai, Komiti Mutarka Penusah Ngenyit Nengeri Sarawak (JPBNS), Raban Administrasyen, rayat enggau organisasyen ukai erintah ti udah mayuh mantu,” ku iya lebuh ti ngabas PPV Akademi Opis Bomba enggau Penyelamat ditu kemari.

Uggah ti mega Chairman JPBN Sarawak nyemetak madahka sida mega bisi mekanisme kena nyadika nya efisyen agi enggau efektif.

Naka ke diatu, Sarawak udah nyapai rikod betuchuk vaksin ti manah lalu juluk iya, kena nambahka tu ngagai 70,000 dos vaksinasyen sehari dalam timpuh dua minggu ti deka datai.

Naka kemari (3 Julai), kami udah mujur nuchuk vaksin dalam 1,456,831 juta dos ngagai rayat di nengeri tu.

“Iya ny 1,178303 juta dos vaksin ungkup dos keterubah lalu 278,528 ungkup dos vaksin kedua sida,” ku iya nambah.

Ku Uggah madah, raban sida diatu benung nganti penatai vsksin bansa dos sekali aja, Cansino ti dipelaba deka datai ba tengan tauka ujung bulan Julai.

Iya dekaka Kaunsil Pengelikun Menua (MKN) ngaga pemutus bepelasarka penyampau ari tetiap pelilih menua di nengeri tu kena ngerundngka sekalika Sarawak patut nengah renggat kedua Pelin Mulaika Pemanah Menua.

“Kami deka minta ari perintah besai ngambika Sarawak dipeda bepelasarka gaya COVID-19 ba dalam tetiap pelilih menua lalu ukai nya nengeri.

“Sarawak iya nya nengeri ti pemadu besai iya nya nyauka sama besai enggau Semenanjung Malaysia,” ku iya nambah.

Dulu ari nya, iya udah diberi penerang bekaul pemujur program vaksin ari Pemesai Pelilih Menua Bau, Anielia Siam.

Nitih ku Anielia, urung 29,373 iku ti tau lalu 61.4 peratus ba pelilih menua Bau udah kena vaksin.

Sapit Menteri Idustri Ladang enggau Komoditi II Datuk Willie, Kaban Kunsil Nengeri (ADUN) Tasik Biru Datuk Henry Jinep, ADUN Serembu Miro Simuh, Sapit Sekretari Perintah Nengeri Datuk Ik Pahon Joyik enggau Pemesai Pengerai Bagi Menua Kuching Dr Eunice Melissa John sida ti sama bisi datai.

Advertisement