Anda di sini

COVID-19: 361 kes baru positif, siti kes pemati dirikod di Sarawak

Advertisement

KUCHING: Kes COVID-19 di Sarawak kemari bisi ngayanka pengurang iya nya bisi 361 kes, lalu Kuching ngerikod kes ke pemadu tinggi iya nya 77 kes, enggau siti kes pemati laban pengelekai COVID-19.

Komiti Mutarka Penusah Ngenyit Nengeri Sarawak (JPBNS) nengah jaku penerang sida iya madahka penyampau kes kumulatif naka kemari iya nya 66,196 sereta kes pemati udah manggai ngagai 418.

Ari penyampau kes positif ti bisi di ripot kemari, JPBNS madahka 194 kes tauka 53.74 peratus ari kes baru diripot di Kuching, Sibu, Subis, Bau enggau Bintulu.

Siti kes pemati dirikod di Kapit kemari, iya nya siku indu ari Kapit berumur 62 taun, ke ditemu positif COVID-19 ke lalu ngujungka iya parai. Kes tu bisi penyakit ko-morbid darah tinggi enggau dislipidemia.

Kelimpah ari Kuching, pelilih menua bukai ke bisi ngerikod kes positif iya nya nyengkaum Sibu (33), Subis (32), Bau (27), Bintulu (25), Saratok (22), Miri (22), Serian (12), Sri Aman (11), Kapit (11) enggau Song (10).

Pelilih menua bukai ke bisi ngerikodka kes, iya nya Telang Usan (9), Samarahan (9), Mukah (7), Limbang (5), Asajaya (5), Dalat (5), Tatau (5), Tebedu (5), Kanowit (5), Lundu (3), Pakan (3), Selangau (3), Sebauh (3), Belaga (2), Meradong (2), Simunjan (2), Sarikei (2), Beluru (1), Matu (1), Marudi (1) enggau Betong (1).

“Ari 361 kes baru ti bisi diripot kemari, urung 38 iku bisi mandangka tanda-tanda bisi kena rampit COVID-19 maya beperesa pengerai sida iya.

“Kelimpah ari nya, urung 257 iku ke diperesa pengerai, iya nya sida ke dalam perintah kuarantin.

“Nitihka tusun kes kemari, 223 kes iya nya sida ke diperesa pengerai laban bisi kaul enggau kes positif COVID-19 lalu ari penyampau nya, 18 iku bisi mandangka tanda-tanda kena rampit COVID-19; enggau 85 kes (sida bukai ke beperesa pengerai ba palan pengerai, lalu semina siti kes ke bisi mandangka tanda-tanda kena rampit COVID-19).

“Penyampau tusun kes nya mega nyengkaum 34 kes (sida ke dalam kluster aktif tang nadai tanda-tanda bisi kena rampit; enggau 19 kes (sida bukai ke bisi mandangka tanda-tanda kena rampit ke beperesa ba palan pengerai),” ku JPBNS.

Naka kemari, 529 kes COVID-19 dalam wad sepital enggau palan kuarantin ke udah gerai lalu dikemendarka pulai.

Tusun kes ti dikemendarka pulai nya mungkur 98 kes (ari Sepital Umum Sarawak tauka HUS sereta PKRC HUS); 78 kes (ari Sepital Sibu enggau PKRC sepital tu); 74 kes (ari Sepital Bintulu enggau PKRC sepital tu); enggau 70 kes (ari Sepital Sarikei enggau PKRC sepital tu).

“Penyampau tu mega nyengkaum 56 kes (ari PKRC Serian); 50 kes (ari Sepital Miri enggau PKRC sepital tu); 32 kes (ari Sepital Sri Aman enggau PKRC sepital tu); 29 kes (ari PKRC Mukah); 24 kes (ari Sepital Kapit enggau PKRC sepital tu); 17 kes (ari PKRC Betong); enggau siti kes (ari PKRC Lawas),” ku JPBNS.

JPBNS nandu baru madahka enggau penyampau semua kes positif COVID-19 ke udah gerai tauka dikemendarka pulai naka kemari udah manggai ngagai 55,701 iku mensia mayuh tauka 84.15 peratus ari penyampau kes COVID-19 di Sarawak.

“Taja pia, penyampau kes aktif ke agi berubat sereta di kuarantin di PKRC enggau wad sepital bisi dalam 9,922,” ku JPBNS.

Advertisement