Anda di sini

Perintah GPS seruran ngatur belanja nengeri enggau manah

Advertisement

KUCHING: Perintah Sarawak seruran ngemeranka pengawa ngatur pekara wang ti manah kelebih agi dalam pengawa meri bantu ungkup raban ti kena empas ketegal pandemik COVID-19.

Nitih ku Kelab Penyukung Gabungan Parti Sarawak (GPS), pekara tu ulih dipeda nengah pengawa meri pakej Bantu Khas Sarawakku Sayang (BKSS) ti sepenyampau lebih RM4.5 bilion.

Nitih ku penerang nya, dalam BKSS 6.0 mega perintah GPS udah ngagaihka sepenyampau RM35.5 jta ungkup tuju bantu bekal pemakai ungkup sida ti tekeruga laban Atur Nagang Pemindah (PKP).

“Pia mega, perintah GPS sama udah melanja dalam pengawa nagang pengelekai COVID-19 di nengeri tu ti udah nyengkaum ungkus kuarantin, beperesa COVID-19 lalu bebelika kereban ti diguna raban pengereja pengawa opis pengerai.

“Rikod tikas pemanah gawa perintah nengeri sekalika ari sukut pekara wang enggau inisiatif sida dalam ngurangka tating penusah rayat endang nyata kelebih agi lebuh pengelekai COVID-19 di nengeri tu,” ku penerang nya ditu kemari.

Penerang tu digaga kena nyaut dawa aktivis Iswandy Morni bedau lama ti udah ke madahka perintah nengeri udah abis belanja nyentukka enda ulih mantu raban ti kena empas COVID-19. — Bernama

Advertisement