Anda di sini

Sektor ekonomi dibuka enti 80 peratus rayat udah divaksin

Advertisement
 Kepala Menteri lebuh ke ngelawa PPV Industri UCTS ditu, kemari.
BEJALAIKA PENGAWA: Kepala Menteri lebuh ke ngelawa PPV Industri UCTS ditu, kemari.

SIBU: Perintah arap endar sektor ekonomi di bagi menua nya ulih dibuka baru tengah bulan Ogos ila enti 80 peratus peranak dia udah divaksin.

Kepala Menteri Datuk Patinggi Abang Johari Tun Openg madah, naka 29 Jun, ambis nadai bisi149,743 (64.4%) peranak ditu udah betuchuk siti dos vaksin COVID-19.

Ku iya, bepelasarka pekara nya iya arap endar 80 peratus peranak di bagi menua nya udah dituchuk vaksin kena tengah bulan Ogos ila.

“Enti kita udah divaksin, reti nya kita udah bisi peninding bulu lalu ba timpuh ke sama pengelekai COVID-19 deka kurang agi nyadi.

“Nya alai, nadai penanggul sektor ekonomi dibuka baru,” ku iya madah maya ba aum media kemari.

Dulu ari nya, iya ngelawa Palan Nuchuk Vaksin ( PPV) Industri ba Universiti Kolej Teknologi Sarawak (UCTS) ditu.

Nya alai ku iya, iya ngansak mensia mayuh ngambika majak bedisiplin maya ke ngelaban Covid-19.

Ku iya baru, taja pan udah divaksin, mensia mayuh mesti nitihka Prosedur Operasyen Standard (SOP) nyengkaum ngena sengkabung idung enggau mulut, ngemeranka seraka sosial sereta suah nuchi jari.

Abang Jo madah, PPV Industri UCTS deka nyadi palan nuchuk vaksin ngagai urunga13,000 pekereja ari mayuh bengkah sektor dalam kandang dua minggu tu.

Ku iya, sida tu pekereja ari industri kapal, kayu ramu enggau betanam betupi.

Kelimpah ari mensia mayuh,perintah nengeri mega deka nentuka semua pekereja ari mayuh bengkah sektor divaksin enggau naka pengelengkas.

“Kitai bisi lebih 30 kluster ari palan kereja ti mun gkur urung 1,700 kes kenyau ari ujung bulan Mei.

“Dalam kes tu, bala pekereja, lebuh pulai ke menua sida, numbuhka kluster baru sereta ngerampit peranak ke bukai.

“Nya alai, kami kami deka nuchuk vaksin ba semua orang ba palan kerja dikena nya orang di luar,” ku iya.

Abang Jo mega madah, PPV Industri UCTS mega diperambu nyadi palan nuchuk vaksin ngagai mensia mayuh.

“Kebuah pia penudah dos keterubah, nuan begunaka  dos kedua, nya alai bisi seraka timpuh maya nya. Nya kebuah kami merambu ngambika dalam kandang (seraka timpuh) nya, mensia mayuh dituchuk vaksin ba UCTS,” ku iya.

Sama bisi maya nya, kededua Sapit Kepala Menteri Datuk Amar Douglas Uggah Embas enggau Datuk Amar Awang Tengah Ali Hasan.

Advertisement