Anda di sini

Pelin mulaika pemanah menua renggat keterubah indikator pemujur renggat ke bukai

Advertisement
ABDUL YAKUB
ABDUL YAKUB

MUKAH: Pelin kena mulaika pemanah menua renggat keterubah endang kritikal dalam nyamin pemujur renggat ke bukai.

Kaban Kunsil Nengeri (ADUN) Balingian Abdul Yakub Arbi madah, nitihka pekara pemun tu deka nguji tikas penegap menua sekalika ulih nengah proses ungkup semua renggat ti bisi.

“Aku setuju pelin tu digaga bererenggat ari perintah, kebuah pia laban bepelasarka indikator ti beguna,” ku iya madah ngagai Utusan Borneo.

Entara inidikator ti beguna ke dipadahka iya nya gaya pengelekai dalam komuniti, tikas pengulih sistem pengerai mensia mayuh sereta tikas pemayuh orang ti dijaga.

Ambika chunto, lebuh ti betapi enggau baya ke alai sebuah kandang menua agi betapi enggau kes kena rampit ti tinggi, timpuh berubah renggat nya patut diperundingka enggau engkeman.

Ungkup kandang menua ti agi ngerikodka kes ti tinggi mega, aktiviti rama enggau nagang pemindah patut diteruska lalu dijaga enggau terit.

Ungkup sektor ekonomi, tu ulih dibuka bererenggat kelebih agi ungkup sektor ti beguna ti bejualka barang ke diguna ninting hari.

Kelipah ari nya, chara ti dikena Kaunsil Penusah Ngenyit Menua sereta Nengeri mega patut setipak kena nyeliahka penyarut ba komuniti kelebih agi ti bekaul enggau pekara bekaul enggau ekonomi, pelajar, pekara wang enggau ke bukai.

Bantu belanja, pemakai sereta ti bekaul patut diteruska lalu dilangkar ungkup rayat seraya pengawa mulaika pemanah ti mungkur semua nya dipejalaika ngagai siti maya nyentukka bantu diasaika enda tentu diguna agi.

Bekaul enggau pelin sereta program vaksinasyen, perintah deka nentuka vaksin ti enda bebayar diberika ngagai enggau naka pemayuh peranak ti ulih.

Kebuah pia, nengah pemansang ari menua bukai, tikas kena rampit enggau pemati jauh udah kurang pengudah pengawa betuchuk vaksin dichakahka agi.

Menteri Besai Tan Sri Muhyiddin Yassin madahka Bantu Khas COVID-19 (BKC) tu deka meri pemaik ngagai lebih 11 juta rayat Malaysia enggau agih belanja RM4.6 bilion.

Advertisement