Anda di sini

SPM 2020: GPN 4.80, pemutus ke pemadu manah dalam timpuh lima taun

Advertisement
 Siku nembiak Sekula Sekondari (SMK Agama Tun Ahmad Zaidi) Mia Saleha Saiful Habash, 17, bekunsi pengaga ati enggau bala bakih iya nengah video ba telefon binching, pengudah ke nerima pemutus Sijil Pelajaran Malaysia (SPM) ti diperesa iya nengah chara online ari rumah iya di Taman BDC Stampin, ke alai iya bulih pemutus 10A enggau 1B. — Gambar Bernama
BEKUNSI PENGAGA ATI: Siku nembiak Sekula Sekondari (SMK Agama Tun Ahmad Zaidi) Mia Saleha Saiful Habash, 17, bekunsi pengaga ati enggau bala bakih iya nengah video ba telefon binching, pengudah ke nerima pemutus Sijil Pelajaran Malaysia (SPM) ti diperesa iya nengah chara online ari rumah iya di Taman BDC Stampin, ke alai iya bulih pemutus 10A enggau 1B. — Gambar Bernama

KUALA LUMPUR: Pemutus Sijil Pelajaran Malaysia (SPM) 2020 enggau Gred Purata Nasional (GPN) 4.80, ke pemadu manah dalam timpuh lima taun, pia ku Menteri Kanan Pelajar Datuk Dr Radzi Jidin.

Ku iya, pemutus ba taun 2019 iya nya 4.86 lalu 4.89 ba taun 2018, 4.90 (2017) enggau 5.05 (2016).

“ Penerang tu mandangka pemutus ke diulih chalun tinggi agi ba taun 2020 enti dibandingka enggau ba taun 2019. Nilai GPN  ke baruh agi mandangka pemutus ke diulih chalun manah agi. Analisa tu bepelasarka chalun ti keterubah endar ngerejista diri ngambi abis nadai enam mata pelajar sereta ngambi abis nadai  sit mata pelajar.

“Trend GPN ungkup 2016 nyentuk 2020 mandangka, taun 2020 ke pemadu manah dalam timpuh lima taun,” ku iya lebuh mantaika analisis pemutus Sijil Pelajaran Malaysia 2020 ti diatur nengah chara virtual.

Ari sukut  seraka pemutus nilihka endur ku iya, seraka pemutus entara chalun di mengeri enggau menua pesisir kuchup ngagai  0.38 ba taun 2020 enti dibandingka enggau 0.44 ba taun 2019.

Ku Radzi, pemutus ke diulih chalun di mengeri enggau menua pesisir ba taun 2020 ngerikodka penambah enti dibandingka enggau taun 2019, tang, pemutus ke diulih chalun di menua pesisir  tinggi agi enti dibandingka enggau chalun di mengeri.

Ku iya,pemutus ke diulih chalun di mengeri di mengeri ba taun  2020 iya nya 4.68 enti dibandingka enggau 4.70 ba taun 2019, lalu , pemutus ke diulih chalun di menua pesisir nambah ngagai  5.06 ba taun 2020, enti dibandingka enggau 5.14 ba taun 2019.

Ari sukut prestasi mata pelajar, iya madahka pemutus peresa SPM 2020 mandangka 43 mata pelajar ngerikod penambah ba prestasi, 39 mata pelajar ngerikod penurun, lalu siti mata pelajar nadai berubah ari semua 83 mata pelajar.

“Ungkup prestasi indu mata pelajar, mata pelajar Matematik, Sains, Sejarah, Pendidikan Islam enggau Pendidikan Moral, ngerikod penambah ba prestasi ba taun 2020 lalu Bahasa Melayu enggau Bahasa Inggeris ngerikod penurun ba prestasi,” ku iya.

Berebak enggau nya, iya mega madahka ba taun 2020, peratus chalun ti tau nerima setipikit SPM nambah1.96 peratus, iya nya 88.68 peratus enti dibandingka enggau 86.72 peratus ba taun 2019.

Katanya calon berkeperluan khas (CBK) yang layak menerima sijil SPM pada tahun 2020 juga meningkat kepada 68.22 peratus, berbanding 61.34 peratus pada 2019.

Ditanya sentang faktor penambah GPN enggau seraka pemutus ke diulih entara mengeri enggau menua pesisir ti mit, iya  madahka opis menteri deka ngaga analisa ke silik sereta beratika tetiap aspek ti pemutus SPM nyadi baka nya.  

Ku iya, analisa tu mega deka meda enggau chara serap pemutus peresa nya nyengkaum ungkup sesi keterubah SPM enggau sesi kedua.

Radzi madahka pemutus enggau slip pemutus SPM tau diakses kemari berengkah ari pukul 10 pagi, nengah chara online ba myresult1.moe.gov.my enggau myresult2.moe.gov.my.

Ditanya sentang chalun ti nadai akses internet kena meda pemutus nya, iya madahka sida ba sekula udah berandau enggau chalun sentang chara ke pemadu manah kena ngulihka pemutus nya.

Opis Menteri Pelajar (KPM) melabaka chalun nya deka bulih pemutus nya enggau naka pengelengkas,berindik ari inisiatif opis menteri ti udah minta sida ba sekula ngangauka bala chalun, berandauka chara ngulihka pemutus SPM, ku iya.

Ku iya baru, slip pemutus rasmi peresa SPM tau didownload kena 14 Jun ba myresult3.moe.gov.my, lalu setipikit SPM deka disadung nengah chara berenggat berengkah ari 10 Julai.

“Chara nyadung setipikit SPM nya bepanggai ba gaya maya nya. Sida di sekula enggau KPM deka nerang ngagai chalun sentang chara sida ngambi setipikit ‘hard copy’ (salin ke dichelak) nya,” ku iya.

Nyaut tanya nyema bisi penanggul lebuh ke akses ngagai alai meda pemutus nya, Radzi madahka sida udah enggau naka ulih ngelalau sekalika nembiak nya empu tauka apai indai sida tau meresa pemutus nya.  — Bernama

Advertisement