Anda di sini

Empat kes pemati, 631 kes baru positif COVID-19 di Sarawak

Advertisement

KUCHING: Sarawak ngerikod empat pemati ketegal COVID-19 nyengkaum 631 kes baru positif, ku Sekretariat Komiti Mutarka Penusah Ngenyit Nengeri Sarawak (JPBNS) dalam jaku penerang, kemari.

Nengah penerang nya mega, statistik pemati ketegal COVID-19 di serata menua ke bisi di ripot di Kanowit, Sibu enggau Sri Aman diatu udah manggai 334 kes.

“Senentang kes positif baru COVID-19, bisi ditemu di lima buah pelilih menua iya nya di Kuching, Miri, Sri Aman, Sibu enggau Tatau (di Bintulu).

“Pelilih menua ke bisi ngerikod kes positif tu kemari ngerikod 387 tauka 61.33 peratus kes baru sehari tu (kemari),” ku JPBNS.

Entara pelilih menua ke bisi kes ti pemadu tinggi, iya nya Kuching (105 kes positif) enggau Miri (102 kes positif).

Tu mega ditangkanka Sri Aman ti bisi 71 kes, Sibu (55), Tatau (54), Kapit (37), Subis (36), Bintulu (28), Samarahan (24), Telang Usan (23), Serian (22), Song (19) enggau Lubok Antu (10).

Pelilih menua bukai ke bisi kes positif, iya nya di Dalat (9), Mukah (9), Bau (5), Asajaya (5), Sebauh (5), Selangau (3), Tanjung Manis (2), Sarikei (2), Julau (1), Lawas (1), Beluru (1), Simunjan (1) enggau Meradong (1).

Naka ke diatu, penyampau semua kes COVID-19 ke aktif diatu udah manggai ngagai 53,631.

JPBNS mega madahka ari 631 kes baru kemari, urung 77 iku bisi mandangka sida kena rampit COVID-19 maya beperesa pengerai.

“Ari penyampau nya mega, rintai tusun kes positif kemari beratika 373 kes diperesa pengerai laban bisi kaul enggau kes positif COVID-19 (38 kes bisi mandangka bisi kena rampit penyakit tu); 141 kes (sida ke diperesa dalam kluster ke aktif diatu lalu nadai mandangka sida nya bisi kena rampit sakit COVID-19); 78 kes (sida ke beperesa ba palan pengerai bukai lalu semina siti aja kes ke bisi mandangka kes tu bisi kena rampit); 38 kes (ke bisi mandangka tanda-tanda kena rampit sakit COVID-19) ke beperesa ba palan pengerai enggau siti kes bekaul enggau siku orang ke baru pulai ari sitak menua dalam Malaysia ke dikumbai ‘Import B’ tang nadai mandangka iya bisi tanda-tanda kena rampit sakit COVID-19,” ku JPBNS.

Ba senentang kes pemati ke bisi diripot kemari, bekaul enggau tiga iku indu enggau siku lelaki berumur entara 63 taun ngagai 70 taun di Sibu enggau Sri Aman.

Kes pemati ke-331 bekaul enggau siku indu ari Kanowit berumur 70 taun, alai sebedau pemati iya, bisi di peresa COVID-19 kena 23 Mei, lalu parai di Sepital Sibu. Kes bisi penyakit ko-morbid darah tinggi, dislipidemia, asma enggau strok.

Kes pemati ke-332 bekaul enggau siku indu ari Sri Aman berumur 63 taun ke bisi diperesa COVID-19 kena 7 Jun tu tadi, ngujungka iya parai di Sepital Sri Aman. Kes bisi penyakit ko-morbid kemi manis, darah tinggi, dislipidemia, enggau penyakit (paru-paru) obstrutif kronik.

Nangkan nya, kes pemati ke-333 bekaul enggau siku lelaki 67 taun ari Sibu, ke parai di Sepital Sibu. Kes tu diperesa penyakit COVID-19 kena 3 Jun tu tadi, ngujungka kiya parai. Kes tu mega bisi penyakit ko-morbid darah tinggi, dislipidemia, strok enggau ‘pancreatic benign tumour’.

Kepenudi kes pemati, iya nya bekaul enggau kes ke-334, siku indu ari Sibu berumur 63 taun ke udah diperesa penyakit COVID-19 kena 21 Mei ke lalu ngujungka iya parai di Sepital Sibu. Kes tu mega bisi penyakit ko-morbid kemi manis, darah tinggi enggau dislipidemia.

Kelimpah ari nya, JPBNS mega madah bisi 540 kes baru kemari, ke udah gerai lalu dikemendarka/discaj ari sepital/PKRC di menua tu.

“Kes tu iya nya, 170 kes (ari Sepital Miri enggau PKRC baruh pegai Sepital Miri; 144 kes (ari sepital besai Sepital Umum Sarawak tauka HUS enggau PKRC barus pegai HUS) enggau 63 kes (ari Sepital Sibu enggau PKRC baruh pegai Sepital Sibu).

“Kes udah discaj mega nyengkau 46 kes (ari Sepital Bintulu enggau PKRC baruh pegai Sepital Bintulu); 45 kes (ari PKRC Mukah); 35 kes (ari Sepital Sarikei enggau PKRC baruh pegai Sepital Sarikei); 14 kes (ari Sepital Kapit enggau PKRC baruh pegai Sepital Kapit); 12 kes (ari PKRC Serian); 8 kes (ari Sepital Sri Aman enggau PKRC Sri Aman) enggau 3 kes (ari PKRC Betong).

Penyampau tu ku JPBNS nandu baru madah, pemayuh tauka ke semua penyampau kes positif COVID-19 ke udah gerai tauka dikemendarka pansut/discaj naka kediatu udah manggai ngagai 43,905 tauka 81.86 peratus ari ke semua penyampau kes COVID-19 di Sarawak.

“Taja pia, penyampau kes ke agi aktif ke benung berubat sereta di kuarantin di PKRC enggau wad di sepital (nitihka sepital endur pasien) bisi dalam 9,276 iku. Kelimpah ari nya, bisi 631 PUI ke bisi di ripot lalu nadai PUI ke nganti pemutus makmal,” ku JPBNS.

Atur Nagang Pemindah Diteritka Agi (PKPD) udah tauka deka diatur di 15 buah genturung diau di tujuh buah pelilih menua.

Genturung pendiau tu iya nya di Bintulu (tujuh), Sri Aman (dua), Meradong (siti), Julau (siti), Asajaya (siti). Sibu (dua) enggau di Kuching (siti).

Di Bintulu, PKPD udah/deka diatur di Rh. Patrick Andin anak Uli, Sg Serakit, Sebauh (8 ngagai 21 Jun 2021), Kuarters Pengereja Pengawa DD Palm Oil Mill Sdn Bhd, Sebauh (8 ngagai 21 Jun 2021), Kuarters Pengereja Pengawa kompeni Pekerja Permata Ramah, Tatau (9 ngagai 22 Jun 2021), enggau Kuarters Pengereja Pengawa Air Marine Cargo (9 ngagai 22 Jun 2021).

Kelimpah ari nya, PKPD mega udah di atur di Meradong, iya nya di Rh. Rabong, Sg Lemayong, Bintangor (10 ngagai 26 Jun 2021), di Julau, Rh. Mambong, Nanga Lingah (10 ngagai 26 Jun 2021), di Sibu, Rh. Grace Itun, Sungai Salim (12 ngagai 25 Jun 2021), enggau di Rh. Pinggan, Sungai Salim, Sibu (12 hingga 25 Jun 2021).

Bela diberi atur PKPD, iya nya di Kampung Tambirat, Asajaya (11 ngagai 24 Jun 2021) enggau di Kampung Kolong 2, Kuching (11 ngagai 24 Jun 2021).

Advertisement