Anda di sini

Bantu khas Raya 2021 jereki tambah ungkup orang gawa perintah besai, nengeri: Ahmad

Advertisement

KUCHING: Bantu khas Hari Raya Aidilfitri ari perintah besai enggau nengeri tu dipadahka jereki tambah ungkup staf perintah.

Chairman Kongres Serakup Orang Gawa Perintah (CUEPACS) Sarawak (CNS) Ahmad Malie madah, enggau nya CNS mai semua pengereja pengawa perintah ngambika seruran beterima kasih enggau bantu khas ti diberi nya.

“CNS meri besai terima kasih ngagai perintah GPS ari baruh pegai Kepala menteri Datuk Patinggi Abang Johari Tun Openg ti udah madahka belanja bantu khas Raya sepenyampau RM500 ngagai orang gawa perintah nengeri.

“Kitai mega beterima kasih ngagai Menteri Besai ti udah madahka bantu khas sepenyampau RM500 ungkup orang gawa perintah besai nyengkaum sida ti udah pinchin ke nerima RM250,” ku iya lebuh ti ditanya kemari.

Ku Ahmad madah, CNS ngarapka semua orang gawa perintah sekalika staf perintah nengeri tauka perintah besai ulih ngena memanah bantu khas nya.

“CNS madahka bayar bantu khas tu nyadi jereki tambah ngagai semua orang gawa perintah,” ku iya.

Ku Ahmad madah, ungkup CNS, skelika perintah nengeri enggau perintah besai enda kala puntan meri bantu khas Hari Raya ngelama tu.

Advertisement