KUALA LUMPUR: Ujian Pencapaian Sekolah Rendah (UPSR) diketuka berengkah ari taun tu, pia ku Menteri Kanan (Pelajar) Datuk Dr Radzi Jidin.
Iya mega madahka Pentaksiran Tingkatan Tiga (PT3) ungkup taun tu mega dikinsil.
Radzi madahka pekara nya nengah aum media khas ditu kemari.
“Setipak enggau pengawa ngetuka UPSR, Pentaksiran Alternatif Sekolah Rendah (PASR) ungkup nembiak murid ‘berkeperluan khas’ bepenanggul ba pelajar mega diketuka,” ku iya.
Ku iya, pengawa ngetuka UPSR, chara beratika nembiak Primari 6 deka meri fokus ngagai negapka ‘Pentaksiran Berasaskan Sekolah’ (PBS) berengkah ari taun tu lalu diterima masuk buding ungkup taun 2022, deka bepelasarka Pentaksiran Kemasukan Sekolah Khusus (PKSK).
Ku Radzi baru, pemutus ngetuka UPSR nya diambi pengudah mendingka penemu enggau input nengah mayuh bengkah proses enggau ngadu orang ti bekaul lebih 1,700 iku baka pengajar, apai indai, nembiak enggau gerempung enggau serakup ari serata menua nengah mayuh bengkah sesi ke diatur.
Ku iya,entara penemu ti diulih ari sesi nya ari bala pengajar laban sida mayuh ngabiska jam di sekula laban meri fokus nguji nembuka silibus pelajar enggau naka pengelengkas ngambi oengawa meri latih UPSR ulih dipejalaika\
Ku iya, bisi mega bala pengajar nyeritaka ‘enchuri’ jam subjek bukai ti nadai peresa UPSR ngambika ulih meri fokus bala nembiak nyikap diri ngambi UPSR, ngujung ngurangka awak bala pengajar ngena kreativiti lebuh ke ngajar di sekula.
Ba apai indai ku iya, bisi ke bekunsika baka ni fokus ngagai UPSR ti dikumbai peresa ke beguna nya, udah ngujungka bala anak sida kurang awak ba sukut bukai dalam pelajar, laban bisi ti udah dianjung ngagai kelas tuisyen berengkah ari Primari 1. — Bernama