Anda di sini

Lebih 1,000 sekula dalam zon Mirah COVID-19 di Sarawak udah diasuh tutup

Advertisement
MANYIN
MANYIN

KUCHING: Lebih 1,000 sekula ba zon Mirah COVID-19 di Sarawak udah diasuh tutup berengkah ari 20 April lalu deka dibuka baru kena 14 Jun 2021, pia ku Menteri Pelajar, Sains enggau Pansik Teknologi Datuk Amar Michael Manyin Jawong.

Ku iya, pemutus nya digaga Menteri Kanan Pelajar Datuk Dr Radzi Jidin maya baum nengah online kena Hari Dua, ke bisi digulu Sapit Kepala Menteri ke mega Chairman Komiti Mutarka Penusah Ngenyit Nengeri Sarawak, (JPBNS) Datuk Amar Douglas Uggah Embas.

Ku Manyin, Radzi madahka pemutus terus nutup sekula laban semina lima hari aja agi sesi besekula sebedau sekula berengkah kemisi Hari Raya Aidilfitri, iya nya ari 8 nyentuk 16 Mei.

Ku iya, bala nembiak deka patut besekula baru kena 3 Mei tu pengudah ke diasuh perintah nengeri tutup pengelama dua minggu kena nagang pengelekai   COVID-19 di sekula kelebih agi ba Zon irah.

Kelimpah ari nya, Radzi mega madahka kena Hari Satu   (26 April) pengawa ngajar enggau belajar deka dipejalaika nengah chara online  pengelama dua minggu pengudah kemisi Hari Raya iya nya ari 17 nyentuk 28 Mei.

Nya ditangkanka enggau kemisi tengah taun pengelama dua minggu kena 29 Mei, reti nya sekula dalam  Zon Mirah di nengeri tu deka ditutup nyentuk 13 Jun 2021.

Berebak enggau ku Manyin, nya kemisi panjai ngagai  372,433 nembiak sekula enggau 30,435 pengajar di 863 sekula primari enggau 146 sekula sekondari ti ditutup.

"Maya kemisi panjai tu, opis menteri aku deka betemu enggau Opis Pelajar Nengeri, JPBNS enggau Opis Pengerai Negeri berandauka atur ke patut nangkanka tu ," ku iya lebuh dirandau kemari.

Ku iya, atur nangkanka tu iya nya nitihka rintai lalau enggau prosedur operasyen standard (SOP) Opis Menteri Pengerai Malaysia (KPM)ti udah disediaka, tang deka ditipak enggau gaya di Sarawak.

Ngenang sentang aum enggau Radzi, Manyin madahka KPM meri langgur penemu ngambika Sarawak berunding ngena polisi nutup sekula abis nadai dua hari enti bisi siti kes positif diripotka.

"Kami enggau ngambi risiko sereta nutup semua sekula dalam zon mirah taja pan nadai kesdirampit diripotka ba sekula, KPM terusngemeranka polisi iya nya rnti bisi siti  kes positif diripotka, sekula nya mesti ditutup abis nadai  dua hari.

"Nya garis lalau sida (KPM) ti deka diperundingka kami," ku iya seraya nerangka sehari diguna kena bejalaika pengawa sanitasyen enggau beratika situasyen.  

Pemutus nutup nya mega bepanggai ba ripot ari pemesai opis pengerai pelilih menua.  

Manyin madahka Radzi minta Sarawak berundingka polisi  KPM ti lalu nyadi atur nangkanka tu pengudah 28 Mei, laban iya irau sentang sekula ditutup kelalu lama ba kandang endur ke mayuh kes berampit, laku bala nembiak engka deka tinggal ba pelajar nyentuk setaun.

Taja pia, Sarawak udah madahka ke alai penambah kes majak balat nyadi enti sekula enda ditutup.

Manyin m adahka utai ti diapdahka Radzi anyd endang amat laban iya irauka sekula ti ditutup kelalu lama tau ngachau pelajar nembiak.

Advertisement